Alfoz, 11 de setembro de 2024. O Concello de Alfoz expresa a súa profunda preocupación ante a falta de cumprimento do acordo asinado entre a Xunta de Galicia e os sindicatos en relación aos agrupamentos de aulas mixtas nos centros de educación infantil e primaria. Esta situación ten un impacto directo no CEIP Castro de Ouro, que se ve afectado por esta decisión.
O Concello de Alfoz apunta que “isto non é apoiar a educación no rural”. A falta de recursos e a non aplicación dos acordos previamente establecidos comprometen a calidade educativa e o futuro dos nosos nenos e nenas. A educación no medio rural é fundamental para garantir a igualdade de oportunidades e o desenvolvemento integral da comunidade. “Aínda por encima minguan os recursos extraordinarios ao non contar este curso con docente de Pedagoxía Terapéutica, recurso fundamental para apoiar as necesidades presentes no noso centro” apuntan dende o consistorio.
Desde o Concello de Alfoz, instamos á Xunta a que tome medidas inmediatas para rectificar esta situación e a que se comprometa de verdade co futuro da educación no noso rural. A educación é un pilar esencial para o progreso e a cohesión social, e non podemos permitir que se descoide.
Agradecemos a comprensión e o apoio da comunidade educativa e de todas as familias afectadas, e reiteramos o noso compromiso de seguir loitando por unha educación de calidade para todos.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
