Á vista de que as obras (para as que o Concello conta cunha achega de preto de 124.000 € da Xunta) aínda non comezaron; “as familias con nenos de entre 0 e 3 anos non disporán para este inicio de curso deste servizo”
Vilalba, 10 de setembro de 2024. O PP de Vilalba afea que “a alcaldesa e o goberno bipartito non cumpran coas promesas que lles fixeron o curso pasado ás familias con nenos e nenas de menos de 3 anos. O que si se están a cumprir son os presaxios do Partido Popular que xa advertía da situación o pasado mes de maio. A realidade é que estamos ante o inicio do curso 2024-2025, pero as obras para a construción do Punto de Atención á Infancia (PAI) aínda non empezaron” e, polo tanto, “as familias que o precisan non disporán deste servizo de conciliación”.
Os populares lembran que “a Xunta aporta preto de 124.000 € para a creación do Punto de Atención á Infancia (PAI)” e 60.000 € para a renovación de vestiarios do pavillón do CEIP Antonio Ínsua Bermúdez. Neste caso, “tamén pola falta de axilidade do goberno municipal que debería telas programado para o verán”, as obras aínda están sen executar cando “xa estamos a principios de curso”.
A Xunta de Galicia tamén acometeu directamente pequenas obras de mellora este verán en distintos centros do municipio: a EEI de Vilalba, aos CEIP Ínsua Bermúdez, Mato Vizoso e Terra Chá e os IES Basanta Silva e Lois Peña Novo.
Sobre a recente instalación dun ascensor no CEIP Manuel Mato Vizoso de Vilalba, o Grupo Municipal Popular preguntará no vindeiro pleno ao goberno local a que se debe que o Concello non realizase o contrato de mantemento. Os populares explican que “sen o contrato de mantemento que lle corresponde facer ao Concello non se pode poñer en funcionamento e, polo tanto, o curso comezará sen que os alumnos e alumnas que o precisen poidan facer uso deste novo servizo”.
OUTROS INVESTIMENTOS DA XUNTA EN VILALBA
Os populares queren deixar claro que “a Xunta achega unha parte importante dos investimentos nos centros educativos de Vilalba” demostrando “o seu apoio á nosa localidade” e afean que “a alcaldesa non sexa clara á hora de informar sobre os apoios da Xunta para a mellora de infraestruturas municipais”.
Dende o PP local subliñan que “non é a primeira vez que a mandataria local se apropia de investimentos do Goberno galego, pois en maio deste ano presentaba un novo vehículo do Consorcio de Bombeiros sen avisar á Xunta, unha falta de respecto e unha deslealdade institucional, tendo en conta que tanto o funcionamento como a adquisición do material para estes entes provinciais está cofinanciado ao 50% pola Xunta e as deputacións”.
O Goberno galego ten en marcha máis investimentos este ano no municipio de Vilalba como a renovación do parque infantil situado na rúa da Emigración cun apoio de 35.778 €, a mellora do paseo fluvial e área recreativa da Madalena cun investimento de 193.342 € ou a mellora de vías municipais de acceso a parcelas agrícolas en Alba, Belesar, Rioaveso e Román, o que supón un investimento de 110.368 €.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
