A portavoz municipal, Mariña Gueimunde, incide no “escaso peso político da alcaldesa de Viveiro” porque “non logra investimentos nin de administracións gobernadas por afíns coma o Executivo central”
Viveiro, 10 de setembro de 2024. O PP lucense pide ao Goberno de Pedro Sánchez explicacións pormenorizadas sobre a situación do acceso á praia de Sacido, en Viveiro, pechado fai máis de 6 anos por risco de desprendementos e as xestións realizadas para restablecer o acceso seguro ao areal. Concretamente, os deputados lucenses Jaime De Olano, Francisco Conde e Cristina Abades veñen de rexistrar preguntas para a súa resposta por escrito por parte do Executivo central.
Tendo en conta que “a principios do 2020, se informou da existencia dun informe elaborado pola Dirección General de Costas sobre as actuacións que debían realizarse para a apertura do areal”, os populares esixen ao Executivo estatal que explique se ten elaborado un proxecto de actuación sobre o acceso e, de ser o caso, en que estado de tramitación se atopa. Así mesmo, inciden en querer coñecer se a Dirección General de Costas ten prevista algunha actuación para reabrir o acceso pechado no 2018.
Así mesmo, piden unha relación detallada das reunións, os escritos e o contido dos mesmos e coñecer as xestións que ten realizado o Concello de Viveiro ante a Dirección General de Costas -incluída a delegación provincial- e saber se “tivo vontade ou non de buscar unha solución ao problema”. Tamén solicitan “aclarar que administración é a responsabilidade sobre o mantemento e a seguridade dos acceso á praia de Sacido para determinar que administración ten as competencias para actuar”.
O único acceso á emblemática praia viveirense de Sacido situada ao final do paseo que bordea o litoral dende a praia de Covas está pechado dende fai máis de 6 anos debido ao risco de desprendementos. Dende entón tanto os viveirenses coma os numerosos visitantes das praias da Mariña non puideron desfrutar deste areal moi apreciado polos bañistas e que durante varios veráns contou coa distinción da bandeira azul.
ESCASO PESO POLÍTICA DA ALCALDESA SOCIALISTA
A voceira municipal, Mariña Gueimunde, sinala que “dende o Grupo Municipal Popular tamén temos preguntado en varios plenos pola situación do acceso á praia de Sacido sen que obtiveramos boas novas”.
E ante os investimentos por parte de Costas do Estado para outros arranxos e melloras na comarca, a popular incide no “escaso peso político da alcaldesa de Viveiro” porque “non logra investimentos durante un longo prazo de 6 anos nin sequera de administracións gobernadas por afíns coma o Executivo central”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
