Os cinco colectivos participantes son dos concellos de Meira, O Corgo, Abadín e Vilalba e iniciarán o percorrido desde a produtora de audiovisuais, o Mazo de Santa Comba ou a Granxa Gayoso Castro
Lugo, 29 de outubro de 2024. 115 veciños e veciñas da provincia de Lugo participan esta semana no programa de viaxes gratuítas da Deputación, Coñece a túa provincia. Os viaxeiros pertencen a cinco asociacións dos concellos de Meira, O Corgo, Abadín e Vilalba, e uns percorrerán a comarca da Mariña e os outros descubrirán a Ribeira Sacra.
A primeira ruta desta semana, que tivo lugar este mesmo martes, realizárona os membros da Asociación Cultural Airiños do Miño, de Meira, que iniciaron a viaxe na produtora do Servizo de Audiovisuais e posteriormente coñeceron a rectoral de Gundivós, un miradoiro sobre o Canón do Sil e unha adega de Amandi. Ademais, a Asociación Xuvenil, Cultural e Deportiva A Rumboia, do concello de Abadín, vai realizar este mesmo itinerario o xoves 31 de novembro.
O mércores, a Asociación de Veciños O Salgueiriño, do Corgo, iniciará o percorrido desde o Mazo de Santa Comba e continuará o itinerario ata a comarca de Mariña, na que visitarán a lonxa de Burela, o barco-museo boniteiro Reina del Carmen, a asociación de mariñeiros xubilados A Moncloa e as redeiras deste municipio. Nesta mesma xornada, os membros da Asociación Coral Polifónica, de Abadín, achegaranse ata a Granxa Gayoso Castro e logo desprazaranse ata A Mariña para visitar o miradoiro de San Roque, o casco antigo de Viveiro ou o Monumento Natural do Souto da Retorta.
Por último, o venres a Asociación de Nais e Pais de Alumnos/as do CEIP Monseivane, de Vilalba, porá o punto final ás rutas do mes de outubro partido da produtora do Servizo de Audiovisuais para despois descubrir os principais atractivos de Sober e Monforte de Lemos. Este itinerario inclúe unha ruta en catamarán e a visita a un miradoiro sobre o Canón do Sil e a unha igrexa románica.
O programa Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
