Alfoz, 21 de outubro, 2024. Unha semana despois de non levar os nenos ao colexio en sinal de protesta, as familias do CEIP Plurilingüe Castro de Ouro de Alfoz séntense totalmente abandonadas pola Xunta de Galicia. A administración non só non respondeu ás demandas de cobertura da praza de Pedagoxía Terapéutica (PT), senón que demostrou unha indiferencia absoluta cara ás necesidades do centro. “Se despois dunha semana sen mandar os nosos fillos e fillas ao colexio, a Xunta non se moveu, queda claro que o seu obxectivo é abandonar definitivamente o colexio. Non lles importa o futuro dos nosos fillos e fillas”, denuncian as familias.
As familias consideran que “hai un abismo enorme entre dicir que non se necesita unha especialista en PT e afirmar que cos recursos actuais se pode atender con calidade ao alumnado”. Non hai vencedores nin vencidos, pero “hai un perdedor claro: os nosos nenos, que non están a recibir o apoio necesario. Temos claro que hai recursos para enviar ao noso centro, pero a Xunta quere castigarnos polas nosas reivindicacións e por alzar a voz ante a súa inacción”.
A decisión de continuar con novas medidas de protesta tomouse tras unha reunión mantida desta tarde, despois de recibier as novas sobre a xuntanza mantida este luns entre a Dirección do Centro e o Delegado Territorial da Xunta, Javier Arias, “quen tampouco quixo atender as demandas das familias do CEIP Castro de Ouro, poñéndose de perfil e ignorando as necesidades educativas que leva tempo reclamando a comunidade escolar”.
As familias saben que, nalgún momento, por responsabilidade, terán que volver levar os nenos ao colexio. “Somos nós quen temos que facer o correcto, pero a administración segue negándose a facer o seu traballo. A nosa loita non remata aquí. Seguiremos adiante con novas accións e, desde a ANPA, continuaremos apoiando ás familias con nenos con necesidades especiais nas súas reivindicacións”, anuncian.
Ademais, as familias denuncian as ameazas recibidas con expedientes de absentismo escolar. “Amenazar aos pais con expedientes de absentismo non é a maneira de solucionar a situación, e por suposto non é maneira de parar a nosa loita. Non nos amedrentarán con este tipo de presións ruíns”, afirman con rotundidade.
Como parte das novas accións, as familias do CEIP Castro de Ouro confirmaron que asistirán á manifestación convocada pola Plataforma Galega en Defensa do Ensino Público, que terá lugar o sábado 26 de outubro ás 12 horas na Alameda de Santiago de Compostela, co fin de facer visible o seu malestar e continuar presionando á administración para que cubra as necesidades do centro.
As familias están convencidas de que a falta de resposta é unha represalia pola súa firmeza e pola repercusión mediática das protestas. “A Xunta non quere diálogo, nunca deu a cara nin quixo falar con nós. Prefire castigar a quen eleva o ton e expón o problema nos medios, en lugar de darnos solucións”, afirman con tristeza e indignación.
Despois de escoitar as mentiras e evasivas da administración, os pais consideran que a Xunta xa tomou a súa decisión: deixar ao CEIP Castro de Ouro á súa sorte. “Se en toda unha semana non moveron un dedo, está claro que nos queren abandonar. Pero nós non pararemos ata que se cubran as necesidades do noso colexio. Non deixaremos que xoguen co futuro dos nosos fillos”, conclúen con firmeza.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
