Ribadeo, 12 de outubro de 2024. As obras de mellora da estrada da costa, que darán comezo nos vindeiros días, teñen un prazo de execución de dous meses, segundo ven de informar o alcalde, Dani Vega. O investimento, con cargo ao Plan Único, é de 370.000 euros.
O rexedor indicou que “seguimos traballando, seguimos investindo para mellorar as nosas infraestruturas. Neste caso falamos da estrada da costa, cunha inversión de 370.000 euros. Nos próximos días darán comezo as obras, xa están adxudicadas e teñen máis ou menos un prazo aproximado de 2 meses”.
Vega dixo: “entendemos que é unha estrada fundamental, que vertebra todas as parroquias da costa, que nos une co concello de San Cosme de Barreiros e desde logo tamén temos que entender que a estrada da costa é un axente mobilizador do turismo, potencia, sen lugar a dúbidas, a economía e da servizo a todas as nosas praias”.
O alcalde criticou “anos de abandono, anos de falta de inversión” e subliñou que “neste primeiro ano tomamos a decisión conxuntamente cos técnicos do Concello de investir todo o Plan Único, 370.000 euros. Claro, é unha decisión que, se non hai unha capacidade de xestión en paralelo, é imposible porque non podes detraer esa inversión doutros puntos do Concello. Pero non foi así, xestionamos 315.000 euros por parte da Xunta, onde estamos actuando tamén en Remourelle, en Santalla de Vilaousende e en Ove. Son tamén melloras nas infraestruturas que nos comunican entre todos”.
Dani Vega cre que “hai unha boa inversión nestes momentos, son 685.000 euros no Plan Avanza Rural e nos próximos meses tamén traballaremos para seguir investindo e mellorando”.
O alcalde indicou que “nos próximos días comezarán as obras na estrada da costa, sempre hai certas molestias, pedimos disculpas, pero hai que entender que para mellorar as cousas as obras teñen uns tempos, aproximadamente esta levaranos 2 meses, pero sen lugar a dúbidas ese ancho de 4,50 vai mellorar toda esta estrada, que é fundamental e prioritaria para o Concello de Ribadeo”.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
