Lugo, 3 de outubro de 2024.- O delegado territorial da Xunta en Lugo, Javier Arias, lamenta que o alcalde de Trabada se esqueza da Xunta de Galicia nas visitas que vén de realizar a actuacións que remataron recentemente no concello e que foron subvencionadas case na súa totalidade polo Goberno autonómico.
Javier Arias lembra que a construción da área recreativa de Vilapena contou cunha achega de 30.000 euros por parte da Xunta, a través dunha liña de axudas para a mellora de infraestruturas turísticas nos concellos, e que a rehabilitación da antiga escola unitaria da parroquia de Vidal recibiu 46.286 euros do Goberno autonómico, o que supón case o 90% do seu custe total. Neste caso tratouse dunha orde de axudas do Instituto Galego de Vivenda e Solo para destinar as instalacións a vivenda pública en réxime de alugueiro social, fomentando que unha nova familia poida vivir no noso rural.
O delegado afea ao rexedor de Trabada que non teña convidado a ningún representante da Xunta na súa recente visita a estas obras. “Confiamos en que se nos convide cando se acheguen a comprobar o resultado doutras actuacións que se están levando a cabo no municipio e nos que Xunta fixo tamén un investimento importante”, dixo. Neste senso, referiuse aos máis de 35.000 euros que o Goberno autonómico destinou a cubrir o parque infantil da localidade ou os máis de 55.000 euros achegados a través do Plan Marco de Camiños.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
