Os populares condenan esta situación “antihixiénica” que é “consecuencia de non facer as cousas cando se teñen que facer”
Viveiro, 22 de outubro de 2024. O PP de Viveiro volve denunciar “o abandono do concello por parte do goberno bipartito” e “a desidia á hora de realizar labores de limpeza con periodicidade anual nin no rural nin no casco urbano” á vista dun novo exemplo: “a presenza de ratas nas palmeiras do paseo marítimo de Covas”.
A portavoz, Mariña Gueimunde, considera que esta situación non só ofrece mala imaxe, senón que é “antihixiénico”. Así mesmo, incide en que é “consecuencia de non facer as cousas cando se teñen que facer”. De feito, sinala que “os traballos de poda das palmeiras levan meses sen facer, tampouco se realizan labores de limpeza nin roza polo que a zona de vexetación alcanza xa 2 metros de ancho”. Isto “favorece a presenza de ratas no paseo marítimo, no entorno do parque Pernas Peón, dun parque infantil que empregan nenos e nenas e da propia praia”.
Gueimunde condena “o deterioro no coidado do noso entorno” e, o que é peor aínda, “que a súa resposta a esta problemática sexa a colocación de vallas”.
Así mesmo, critica “o modelo de xestión do bipartito que prefire gastar o diñeiro que recibe en subvencións en tirar un muro”. Nese sentido, lembra que no entorno do parque Pernas Peón o goberno local mantén descoidado o edificio municipal e non se preocupa por reparar o pavimento da avenida Luis Cebreiro ao longo da zona axardinada de todo o paseo de Covas.
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres.
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
