No evento presentáronse experiencias de éxito e referentes a nivel galego: a Ruta dos Naufraxios da Costa da Morte e Eufundevivo e DestinoCedeira
Xove, 19 de outubro de 2024. O Galp A Mariña- Ortegal celebrou o cuarto dos seis parladoiros programados para este ano no marco da Estratexia de Desenvolvemento Local Participativo (EDLP) baixo o título ‘Entremaresdecultura’ co obxectivo de poñer en valor o patrimonio cultural marítimo como elemento de dinamización desta zona costeira de Galicia. Ao evento, que tivo lugar na Casa do Concello de Xove, acudiu o conselleiro do Mar, Alfonso Villares, que destacou o papel que xogan os Grupos de Acción Local do Sector Pesqueiro (GALP) na promoción de proxectos a prol da posta en valor do patrimonio cultural marítimo da comunidade.
O responsable autonómico resaltou o vínculo social e económico de Galicia coas as actividades pesqueiras cunha indeleble pegada no territorio deixando unha enorme riqueza patrimonial que abre moitas oportunidades como ferramentas na diversificación das economías dos municipios de costa. Nesta liña, valorou moi positivamente a celebración deste tipo de xornadas que serven de escaparate para coñecer o que se está a facer noutros puntos da xeografía galega e que poden inspirar novas iniciativas noutros concellos.
O conselleiro sinalou que Galicia foi a primeira comunidade en seleccionar os grupos, en ter as estratexias aprobadas e que e que leva xa dous convocatorias, a de 2023 e 2024 para a presentación de proxectos no marco do novo Fondo Europeo Marítimo, de Pesca e de Acuicultura (Fempa), publicadas o 26 de setembro de 2023 e o 31 de xaneiro de 2024, cun orzamento de 18,7 e de 19,5 millóns de euros respectivamente.
No evento presentáronse experiencias de éxito e referentes a nivel galego que poñen en valor o patrimonio cultura ligado ao mar, a zona costeira e a tradición mariñeira, como unha maneira e fomentar o crecemento económico do territorio a través de iniciativas que potencien a economía azul. Deste xeito, expuxéronse os proxectos Ruta dos Naufraxios da Costa da Morte, Eufunvivo e DestinoCedeira.
O acto tamén contou cun espazo de networking no que compartir experiencias inspiradoras que sirvan de base para favorecer o xurdimento de novos proxectos innovadores ligados ao desenvolvemento sostible e un espazo participativo para fomentar e apoiar propostas empresariais e sociais que podan empregar o Fempa como ferramenta de financiamento para o desenvolvemento local participativo.
Balance Galp
No período 2016-2024 os oito Galp galegos desenvolveron 703 proxectos que catalizaron máis do 53% de investimento privado, achegando un total de 80 millóns de euros dos cales 132 foron no de A Mariña-Ortegal. Así, dos preto de 40 millóns aportados pola Consellería do Mar, máis de 5,5 millóns foron a parar a iniciativas apoiadas por esta entidade permitindo crear 42 novos empregos a tempo completo, o que representa o 10,4 % do total a nivel galego.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
