Subir os impostos e taxas municipais en centos de miles de euros no 2024 foi decisión do PSOE e do BNG de Foz
Foz, 11 de novembro de 2024. O Partido Popular de Foz valora que a sen razón de Cajoto é máis propia dunha comedia, dun guión de Woody Allen, que dun alcalde responsable. “Botarlle a culpa de todo aos demais e non asumir responsabilidades da súa xestión xa non o cre ningún focense”, sinala o voceiro popular, Javier Castiñeira.
Cajoto é previsible, demostra a mesma actitude ante os problemas creados polas súas malas decisións, todos teñen a culpa menos el. Fixoo coa crise da escola de música, coa da residencia, cos hostaleiros e, agora, faino cos case 11.000 usuarios que sofren a suba da auga.
Subir os impostos e taxas municipais en centos de miles de euros no 2024 foi decisión do PSOE e do BNG de Foz. “O incremento da auga, da recollida do lixo, da escola de música, das escolas deportivas, das casetas da praia, das xestións municipais, da contribución, das licenzas de obra… non é culpa nin do PP nin da Xunta de Galicia, os que precisamente xestionan maiores investimentos para Foz, nin, por suposto, do Concello de Ribadeo gobernado nos últimos anos polo BNG”, enfatiza Javier Castiñeira.
“Non é tolerable a falta de respecto institucional cos que cumpren e cumpriron con Foz e estivemos presentes nos grandes investimentos en Foz nos últimos anos –depuradora, dragados, arranxos nos centros educativos, urbanimo…-, como é o caso da Xunta de Galicia, nin tampouco é tolerable a falta de respecto a Ribadeo co que o alcalde se compara interesadamente sen sentido ningún para escusar a suba da auga que levou a cabo coa colaboración dos seus socios nacionalistas”, continúa o voceiro do PP de Foz.
Por último, o BNG non pode seguir esperando a que os boten do goberno e seguir a respaldar a un alcalde que non asume responsabilidades e culpa a todos os que o rodean, incluso aos seus socios de goberno aos que trata peor que á oposición.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
