Os populares reclaman unha mellora na sinalización, tanto vertical coma horizontal, para mellorar a seguridade así como habilitar cunetas rebasables para evitar que os vehículos metan as rodas naqueles puntos nos que as cunetas son de maior profundidade
Lugo, 23 de novembro de 2024. Os deputados do Grupo Provincial Popular Antonio Ameijide e Jesús Núñez, xunto ao voceiro do PP en Becerreá, Xosé Fernández Carrete, e concelleiros do PP no municipio revisaron a estrada provincial LU-P-0701 que coas obras de renovación da autovía A6 “asume agora todo o tráfico procedente da costa e do occidente asturiano e non está preparada para tal volume de circulación”.
O voceiro provincial popular, Antonio Ameijide, explica que “puidemos comprobar como esta estrada provincial asume agora todo o tráfico que se desvía por mor das obras da autovía e non ten capacidade para asumir tal volume de circulación xa que se discorre por varios núcleos de poboación e o perigo é real”.
Coas obras de renovación da A6, a estrada LU-P-0701 asume moito tráfico xa que como consecuencia destas obras todos os vehículos teñen que empregar esta estrada para chegar a Becerreá e logo poder incorporarse a autovía.
Ameijide sinala que dende a Deputación de Lugo tiñan que terse coordinado co Ministerio de Transportes e Mobilidade Sostible para garantir un desvío alternativo “apto para asumir todo este tráfico”. “Menos mal que ambas administracións están gobernadas pola mesma cor política e o Ministerio de Transportes polo ministro ao que premiaron en Lugo, de non ser así non queremos imaxinar a que nivel de caos circulatorio se tería chegado nesta estrada”, afirmou.
Dende o Grupo Provincial Popular reclaman unha mellora na sinalización, tanto vertical como horizontal, para mellorar a seguridade, xa que hai moitos puntos con pouca visibilidade pola maleza e pola existencia de curvas pechadas. “Xa se produciron varios accidentes e a diario pode verse como hai moitos camións que teñen serias dificultades para poder circular”, sinalaron.
Tamén sería preciso habilitar cunetas rebasables en varios puntos para evitar que os condutores corran riscos xa que hai varias zonas nas que as cunetas son profundas.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
