Ribadeo, 20 de novembro de 2024. Ribadeo conta cunha nova ordenanza forestal para coidar as pistas e os camiños públicos. Así foi aprobado no pleno celebrado onte á noite no Concello.
O alcalde, Dani Vega, contou que “na pasada noite celebramos un pleno onde abordamos varias cuestiones. A primeira delas foi a modificación da ordenanza reguladora do uso e aproveitamento especial de pistas, de vieiros e tamén de espazos públicos. Trátase dunha ordenanza que queremos actualizala, modernizala e aplicala, dado que a que había ata agora viña da Mancomunidade de Municipios da Mariña. Era unha ordenanza moi pouco aplicable, difícil más ben de aplicar e tamén bastante irreal. Por iso nosoutros desde un punto de vista técnico xurídico e tamén desde un punto de vista de técnico de conservación de infraestruturas, de camiños públicos, os técnicos de Medio Rural, aconsellaban que esta ordenanza tiñamos que modernizala e actualizala”.
O rexedor sinalou: “unha ordenanza que ten a clara vocación de coidar o público, unha ordenanza que o que quere é convivir co sector e traballar co sector forestal, sabemos perfectamente que o forestal é un sector dentro da estratexia económico local que debemos coidar e debemos traballar conxuntamente. Pero iso non quere dicir que se poida facer todo o que se queira, non coidar un camiño público, é igual destrozalo que non, non comunicar onde se está cortando, pasar por calquera pista na saca de madeira. Eu creo que iso non se pode facer e debemos ter as cousas reguladas para que todo o mundo conviva”.
Vega considera que “demos un salto importante fai uns meses, a través de Lugo Madera, Notifor, todos os maderistas poden informar, deben informar a través desa aplicación e sabemos perfectamente onde se está talando, onde se está sacando a madeira e por que camiños se saca. Se un maderista non informa en tempo e forma será sancionado cunha multa de 100 euros. Se o maderista saca a madeira e non coida os camiños, terá tres posibles sancións, o que se chama multas coercitivas, de 1.000 a 3.000 euros. Se o maderista non resolve e o camiño está danado, pasa o tempo que se lle dá estritamente legal e non se arranxa, pois entrará o Concello a través da execución subsidiaria a arranxalo e cobrará por adiantado. Se isto o Concello teno que facer, xa entra a multa, a sanción, por non cumprir a ordenanza e poderá ter unha sanción que vai de entre 10.000 a 50.000 euros”.
O alcalde subliñou que “esta ordenanza que o que quere e o que pretende é coidar os camiños públicos. Xa moitos Concellos nos están pedindo esta ordenanza, como tamén moitos deles nos pediron cando tomamos decisións sobre o sector, porque había que coidar os camiños, pois creo que Ribadeo entre todos, volvemos ser un exemplo de tomarnos en serio as cousas, de coidar un sector económico importante para a vila, pero tamén entendendo que os camiños públicos deben ser coidados”.
Na sesión plenaria tamén foron abordados outros asuntos: “no pleno tamén aprobamos as axudas económicas do programa Concilia e evidentemente respondemos a cada pregunta de toda a oposición e atendemos aos rogos. E tamén, por último levamos outro punto. Había un erro no Plan Xeral de Ribadeo, un erro que tivemos que corrixir, tivemos que ter varias reunións na Xunta, en Urbanismo, que é sobre o espazo da área recreativa de Ove, que no PXOM viña como espazo público, sendo de titularidade da Comunidade de Montes. Corriximos iso e daremos pasos para legalizar certas infraestruturas que estaban fora da lei e que entendemos que deben estar legais e cubrir esa resposta que demanda a Comunidade de Montes de Ove”.
Vega engadiu: “seguimos traballando, seguimos modernizando o Ribadeo, con ordenanzas, facendo as cousas con moito sentido, con moito criterio técnico e creo que tamén demos un salto importante, que é a ordenanza forestal que da unha resposta a unha problemática que vamos ter durante un tempo mentres que non se activen todas as medidas, pero entre todos vamos ser capaces de seguir avanzando”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
