Mañón, 4 de novembro, 2024. Héctor e Jessica están a construir no Abeiro do Sor páxina oficial un proxecto que comparten con toda a veciñanza da Faladora. Non hai mellor agradecemento polo que están construíndo na nosa terra que AXUDAR no seu berce.
Este mércores 6 de novembro, pola mañá, sairá un remolque con para os seus pobos e a súa veciñanza.
Quen quera colaborar pode facelo ata o martes pola tarde (20:30h), estará o remolque no Abeiro do Sor (Mañón). A saída será o mércores 6 pola mañá.
Que é necesario?
Auga
Víveres non perecedoiros
Produtos de hixiene persoal (compresas, cueiros de diversas idades, xel hidroalcólico, xabóns, luvas, toalliñas, papel hixiénico)
Produtos de limpeza
Produtos como LEITE para bebés que necesiten fórmula( en formato brick para menores de 1 ano mellor que en pó).
Recordade! Produtos sen glute e sen lactosa.
Materiais textis para todas as idades (roupa, roupa de cama, mantas, toallas); calzado impermeable.
Materiais para desentullar as rúas e as casas (pás, baldes, cepillos grandes, “araganes de suelo”).
Pilar, lanternas, baterías,…
Material diverso para os animais.
E máis..
Queres colaborar pero non sabes como? Non podes desplazarte? Ponte en contacto con Héctor 606 83 90 53
Tamén podes poñerte en contacto con Nordés, pois teñen aberta liña de colaboración económica.
No propio concello e dos veciños hai outras iniciativas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
