Ata agora non entendíamos moi ben as actitudes dalgúns membros da oposición pero chegamos á conclusión que cando non hai traballo nin argumento crible, o único que lles queda é a mentira e a manipulación política. Iso dáselles bastante ben, debe ser que a practican moito. Detrás de cada decisión e de cada traballo deste goberno hai un intento de desprestixio. Claro que para manipular e desprestixiar hai que ter memoria e diso, segundo demostran, van xustiños.
Si se fai a poda, faise mal, e iso dino os “expertos” que cando a facían cometían auténticas barbaridades. Non hai máis que recordar a poda tan ben feita que fixeron no cemiterio, que tiveron que arrancar todo a causa das enfermidades que lles entraron. NUNCA MÁIS se acordaron de volver plantar e farémolo nós porque o abandono de vinte anos non só está nos edificios públicos, está en todo, e iso tamén inclúe as árbores.
Tampouco recordan o arboricidio que fixeron no colexio Gregorio Sanz cando se fixo o campo de herba artificial. Ó concelleiro de Medio Rural daquel momento non lle temblou o pulso en arrancar todo da feito sen ningún criterio técnico. Baseouse en que daban alerxia…a día de hoxe non sabemos a quén, pero daban alerxia… Ó mellor é que non podían convivir as árbores co campo de herba artificial…
Cando fixeron o carril bici ata o faro, tampouco lles temblou o pulso en arrancar o que atopaban ó seu paso… O mesmo pasou na Atalaia… e todo sen ningún tipo de informe técnico. No centro hai decenas de espazos onde as árbores foron morrendo e xamais foron sustituídas… Carai…!! Para estar tan afectados agora coas árbores que tivemos que sacar baixo criterios técnicos, moi arrepentidos teñen que estar, porque do contrario non entendemos tanta sensibilidade…
Nós tomamos en serio isto e sempre traballamos e actuamos baixo criterios técnicos, os cales se intentan desprestixiar meramente por intereses políticos. Alá cada quen coa súa conciencia, pero adiantamos que nós vamos seguir na mesma liña de traballo. Unha árbore danada e enferma que cause algún risco ou falta de seguridade vai ser eliminada porque si cae e pasa algo, entón si seríamos culpables ademais de irresponsables!! Unha árbore que, aínda estando ben, cause danos a algún edificio, tamén vai ser eliminada e replantada noutro lugar onde cause menos impacto. Non se fixo unha inversión dun millón de euros no colexio Gregorio Sanz para ter árbores pegados ó edificio causándolle danos e impedindo o paso de luz natural.
Que unha praza como era o caso da Praza de Pancho Maseda non teña accesibilidade, ¿qué máis da? Total, en vinte anos, excepto o Concello, non foron capaces de facer accesible ningún edificio público!!Iso non importa, o caso é a manipulación política e intentar desprestixiar a este goberno. Ai… qué errados están!!
Dicímolo con claridade, nós non vamos deixar manipular, vamos seguir traballando con criterios técnicos e cun goberno dedicado 100% a Ribadeo. Todas as podas e os traballos que se fixeron foi baixo un criterio técnico e xestionando orzamento doutras administracións para aforrar orzamento do Concello e vamos a seguir nesta liña, traballando arreo para defender os intereses de Ribadeo e dos nosos veciños.
Grupo Municipal Popular de Ribadeo
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
