Dende o PP explica que Tomé, forzado pola presión, anunciou onte unha serie de obras que “sendo todas necesarias, non son suficientes”, como tampouco dixo a verdade porque explicou que se investirán 27M€ cando o total das obras anunciadas é de 13.246.364,93€: “a cantidade a investir coincide coa aprobada por PSOE e BNG nos orzamentos para o vindeiro ano que, dende o PP, xa anunciamos que era insuficiente”
Lugo, 4 de decembro de 2024. Os deputados do Grupo Provincial Popular manteñen a súa afirmación de que o plan de mellora das estradas provinciais anunciado por José Tomé “non é ambicioso e non chega” para solucionar os problemas da rede viaria provincial, “totalmente intransitable e perigosa” en 66 dos 67 concellos da provincia.
“É unha pequena vitoria pero a guerra segue porque aínda restan moitas estradas provinciais e moitos quilómetros que son perigosos e presentan serios problemas para a circulación, provocando picadas nas rodas, roturas nos vehículos e ata accidentes”.
O voceiro provincial popular, Antonio Ameijide, recorda que este non é o primeiro plan de renovación de estradas da Deputación, xa que outros gobernos provinciais o desenvolveron, como foi o goberno de Darío Campos, un plan de mellora de estradas que se desenvolveu a raíz dunha iniciativa defendida polo Partido Popular no pleno de xullo de 2017.
Naquel momento a corporación provincial acordara por unanimidade poñer en marcha ese plan, cun orzamento de 15 millóns de euros, con actuacións que se decidirían nunha comisión técnica integrada, entre outros, por representantes de todos os grupos da corporación.
Sobre estes plans, Antonio Ameijide sinala que “nunha primeira ollada xa vemos moitas diferencias” que poñen sobre a mesa que “o plan de Tomé non é ambicioso nin suficiente”.
O voceiro provincial popular destaca, en primeiro termo, que o plan anunciado por Tomé conta cun orzamento de 12M€, mentres que o impulsado polo PP no goberno de Darío Campos tiña 15M€.
Outra das diferenzas que evidencian que o plan de Tomé “non é ambicioso” é que a Deputación conta agora cun orzamento récord de 130M€, mentres que na época de Darío Campos o orzamento era de 79.5M€.
O plan anunciado onte por Tomé contempla un investimento do 9% do total do orzamento da Deputación, mentres que o liderado polo Partido Popular na etapa de Darío Campos supoñía o 19% do total do orzamento.
Outra dos aspectos nos que non coinciden ambos plans é que o anterior plan buscaba o consenso, mentres que Tomé quere impoñer.
Antonio Ameijide realiza esta afirmación en base a que o plan que se realizou baixo o goberno de Campos contaba cunha comisión técnica, da que formaban parte representantes dos grupos políticos, “que buscaba o consenso para acordar as actuacións, para que se realizasen aquelas máis urxentes”, mentres que Tomé non consultou con ninguén.
POSTURA DO PP
Os deputados populares explican que “pedíamos moito máis”. “Levamos moitos anos xunto aos veciños da provincia reclamando o arranxo da rede viaria provincial que é intransitable e perigosa en 66 dos 67 concellos da provincia”, recordan.
A realidade é que o plan anunciado por Tomé só actúa no 6% dos 4.217 quilómetros da rede viaria provincial, ao que se engade que o presidente provincial “minte descaradamente”. “Cando fala dun investimento de 27M€ está a mentir porque nesa cantidade suma todos os costes posibles, ata o custe do papel do servizo de enxeñería. Que diga a verdade do investimento real na reparación das estradas”, sentenciou, que é de 13.246.364,93€, xustamente a cantidade que PSOE e BNG aprobaron nos orzamentos da Deputación e que dende o PP explicamos que “era insuficiente”.
Segundo os datos feitos públicos polo presidente, as actuacións previstas deixan fóra a 15 municipios da provincia, como os casos Folgoso do Courel, O Valadouro, Lourenzá ou Pobra do Brollón.
Antonio Ameijide tamén amosa as súas dúbidas sobre a existencia deste plan xa que este tipo de actuacións “teñen que aprobarse no pleno ou, no seu defecto, en xunta de goberno provincial e non se deu ningunha das dúas posibilidade de momento”.
EXEMPLOS DE ESTRADAS EN MAL ESTADO NAS QUE NON SE ACTÚA
A Pobra do Brollón: LU-P-4701 (de Pobra do Brollón a Folgoso do Courel) e a LU-P-4710 (de Salcedo á Estación da Pobra de Brollón)
Folgoso do Courel: LU-P-5601 (Courel a Santa Mariña)
Ribas de Sil: LU-P-5303 (San Clodio – Torbeo – ata o límite con Ourense)
Mondoñedo: LU-P-3103 en Santa María Maior, unha zona con inundacións constantes e á que non se dará ningún tipo de solución.
ACTUACIÓNS DEFICITARIAS
Begonte: LU-P-0802, unha estrada de 7,3 quilómetros e na que se actuará en 2,7 aproximadamente.
Carballedo: LU-P-1005, unha vía provincial de 6,2 quilómetros e na que se realizarán traballos de arranxo en 1,4 quilómetros.
Sober: Neste municipio é urxente actuar nas estradas LU-P-5901 (treitos novo e vello), LU-P-5902 e LU-P-5905 e unicamente se realizarán traballos de mellora na 5905 e non na súa totalidade.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
