O responsable autonómico manterá, de xeito paralelo, unha axenda de encontros con representantes comunitarios e do sector co obxectivo de explicar a posición do Goberno galego neste novo mandato comunitario
Santiago de Compostela, 8 de decembro de 2024. O conselleiro do Mar, Alfonso Villares, viaxa este luns a Bruxelas con motivo do Consello Europeo de Agricultura e Pesca, no que participan os ministros do ramo dos Estados membros, onde se negociará a proposta da Comisión os Totais Admisibles de Capturas (TAC) e cotas para o 2025 en augas competencia exclusiva da Unión Europea.
Será o primeiro cumio presidido polo novo comisario de Pesca e Océanos, Costas Kadis, tralas eleccións europeas do pasado mes de xuño, e que mantivo un encontro informal co titular de Mar o pasado mes de novembro. Nesta estadía en Bruxelas, Villares manterá unha intensa axenda de contactos con representantes comunitarios e do sector co obxectivo de explicar a posición do Goberno galego neste novo mandato comunitario.
Tamén vai a insistir na demanda de que a decisión do Consello e do Executivo comunitario sexa adaptada á sentenza do Tribunal de Xustiza da Unión Europeo (TXUE) do pasado mes de xaneiro e que recoñece a necesidade de atender dun xeito equilibrado os factores medioambientais, sociais e económicos á hora de fixar as posibilidades de pesca.
Nesta liña, o conselleiro do Mar trasladou no último Consello Consultivo de Políticas Agrícolas e Pesqueiras para Asuntos Comunitarios o informe do Goberno galego que revela un impacto xeral da proposta de rebaixa de capturas de pescada no Gran Sol, do 28% sobre a cota actual, e que acumula unha minoración de 4.287 toneladas, estimándose que tería un impacto económico de preto de 74 millóns de euros na economía galega.
O responsable pesqueiro autonómico considera esencial levar a voz da principal rexión pesqueira de Europa á capital comunitaria nun contexto complexo e no que se pretende mudar a liña de traballo excesivamente medioambientalista dos últimos anos cara unha política pesqueira máis equilibrada que permita garantir a sustentabilidade e competitividade do sector que representa preto do 5% do PIB galego e do que dependen ao redor de 50.000 empregos na comunidade.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
Comezou onte ás 13,35 horas e para a súa extinción mobilizáronse, ata o de agora, 2 técnicos, 8 axentes, 15 brigadas, 14 motobombas, 3 pas, 3 helicópteros e 2 avións.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
