O delegado territorial de Lugo, Javier Arias, participou na entrega de diplomas ás persoas participantes, que recibiron formación sobre xardinería e actividades de conservación e mellora de montes
Foz, 17 de decembro de 2024. O delegado territorial da Xunta, Javier Arias, participou hoxe na entrega de diplomas ás persoas participantes no obradoiro de emprego Terras do Ouro 2023, que se desenvolveu durante o último ano en Foz, Alfoz e O Valadouro.
Arias explicou que a Consellería de Emprego, Comercio e Emigración destinou 535.500 euros a financiar a actividade, promovida polos concellos. As 20 persoas alumnas-traballadoras recibiron formación teórica e práctica sobre xardinería e conservación e mellora de montes.
“Os obradoiros melloran as competencias do alumnado en especialidades con boa saída laboral ao tempo que prestan un servizo público nos municipios que os acollen”, destacou o delegado.
En canto aos traballos que levaron a cabo, en Foz acondicionaron as contornas do Pico do Castro – co fin de crear un parque canino e unha zona de lecer -, da área recreativa de Fazouro, do centro social A Saira (Nois) ou da antiga escola unitaria de Fazouro, entre outros espazos.
En Alfoz tamén fixeron melloras en diferentes zonas, como os entornos das escolas de Reirado, Bacoi, Carballido, Adelán, Pinguela, Oiras, O Pereiro e Chao. No tocante ao Valadouro, acondicionaron xardíns no cemiterio municipal e prepararon unha parcela contigua para convertela en zona verde; ademais de traballar en parques como os de Feira Nova e Concepción Arenal, no exterior da piscina municipal ou na praza de Santa María, entre outros lugares.
O delegado explicou que ao longo deste mes estanse a poñer en marcha na provincia de Lugo 17 novos talleres de emprego concedidos con cargo á convocatoria de axudas de 2024, na que a Xunta aprobou todas as solicitudes dos concellos que pediron un obradoiro.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
