O portavoz, Antonio Ameijide, pídelle que “vele pola seguridade dos lucenses, garanta a continuidade dos GES en activo, traballe por recuperar o funcionamento dos que están pechados e estude a posibilidade de incrementar os efectivos e os recursos”
Cervo, 19 de decembro de 2024. O voceiro do Partido Popular, Antonio Ameijide, reclama ao goberno provincial de PSOE e BNG que “cumpra as competencias que a lei lle outorga ás Deputacións Provinciais e se implique na xestión de emerxencias na provincia, vele pola seguridade dos lucenses, garanta a continuidade dos GES en activo, traballe por recuperar o funcionamento dos que están pechados e estude a posibilidade de incrementar os efectivos e os recursos”. É dicir, “que deixe de enredar e busque solucións”.
“A situación do mapa de emerxencias da provincia de Lugo está marcado pola desactivación dun 25% dos Grupos de Emerxencia Supramunicipal (GES). Dos 8 da provincia non están en funcionamento 2 pertencentes á zona da Montaña, cos problemas que supón para a comarca nesta materia”, expón.
A isto hai que engadir “a situación deficiente dos 6 parques comarcais de bombeiros na provincia de Lugo: tanto polo estado das instalacións ou vehículos como polas condicións laborais do persoal que, nalgunhas ocasións, é insuficiente para garantir a súa propia seguridade e manter os parques en funcionamento”.
Por poñer un exemplo, Antonio Ameijide explica que “na Mariña, por desgraza, son habituais as noticias sobre o peche dos parques comarcais -Barreiros e Viveiro-”. Neste contexto, o GES de Cervo asume máis carga de traballo e, incluso competencias que non lle son propias nesta materia na Mariña Occidental e ata na Mariña Oriental, a pesar de non corresponderse coa súa área de actuación. De feito, nos últimos catro anos incrementou nun 50% o seu número de intervencións.
Pero, “a situación é cada vez peor”. Recentemente facíase público que o GES de Cervo estivo inactivo nalgunhas xornadas por non dispoñer de suficiente persoal debido ás dificultades para cubrir co mínimo de 3 efectivos –para dar cumprimento á lei- cada quenda de 24 horas cando se dan situacións de baixas e vacacións do persoal. Incluso, algunhas destas xornadas coincidiron co peche dalgún ou, incluso, dos dous parques comarcais de bombeiros”, expón o popular.
De feito, “está en risco a perda deste terceiro GES na provincia sen que o goberno provincial de PSOE e BNG responda formalmente ás comunicacións da alcaldesa nin escoita o acordo adoptado o día 4 de decembro polo Pleno do Concello de Cervo para pedir o apoio da Deputación de Lugo, atendendo ás súas competencias e responsabilidades, para facer posible a súa renovación”.
Á vista de que quedan apenas semanas para a entrada en vigor dun novo convenio sobre os GES -xa que o actual expira o 31 de decembro-, o portavoz popular subliña que “é o momento de que a Deputación Provincial de Lugo reaccione e tome medidas para garantir a protección dos lucenses en materia de emerxencias e prevención e defensa contra incendios forestais.
Ameijide indica que, “se o goberno provincial non atende á alcaldesa, o presidente da Deputación terá que render contas e dar explicacións ante o pleno provincial o 27 de decembro. Terá que explicar como pode ser que 3 de 8 GES provinciais non teñan actividade”.
COMPETENCIAS
Tanto o artigo 36.1.c) da Lei 7/1985, de 2 de abril, Reguladora das Bases do Réxime Local como os artigos 10, 26.d) e 27 da Lei 5/2007, do 7 de maio, de Emerxencias de Galicia -aprobada polo bipartito PSOE-BNG no Goberno da Xunta-, confírenlle responsabilidades ás deputacións provinciais en materia de emerxencias. “E o propio goberno provincial recoñece as súas competencias no convenio asinado para o desenvolvemento dos Grupos de Emerxencia Supramunicipais”, engade o popular.
Así, é competencia propia da Deputación Provincial a prestación, fomento ou coordinación do servizo de prevención e extinción de incendios en concellos de menos de 20.000 habitantes, que na provincia de Lugo son todos menos a capital.
FINANCIAMENTO
Ameijide subliña que “a pesar de non ser da súa competencia, a Xunta de Galicia achega o 52,5% dos gastos de funcionamento dos GES da provincia fronte ao 40% que aporta a Deputación de Lugo e o 7,5% restante que lles corresponde aos Concellos”. Ademais, é o Goberno autonómico o que dota de material a estes Grupos de Emerxencia Supramunicipal cando noutras provincias son as Deputacións as que asumen o equipamento dos GES.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
