Ameijide destaca o traballo que fai o sector privado para o turismo da provincia, xa que “se non fose por hoteleiros, hostaleiros, e todos os empresarios e autónomos vinculados a este sector, non sei como nos iría a Lugo nin quen ía vir, a vista da nula política turística por parte da deputación provincial”
Lugo, 13 de decembro de 2024. Esta mañá celebrouse unha nova xuntanza do Consello Provincial Turismo na que se constatou que tanto PSOE como BNG “seguen apostando por un modelo fracasado ao negarse a dar participación efectiva e real a todos os participantes para que a provincia sexa un destino turístico realmente atractivo para atraer máis turistas”.
Antonio Ameijide sinala que, como nas anteriores convocatorias, “non se trata de convocar xuntanzas por cubrir o expediente, nas reunións debe de haber contidos, facilitarse documentación aos asistentes, algo que non se fai, ademais de ter creadas comisións de traballo que non se puxeron nunca en marcha e que serían moi útiles para deseñar campañas de promoción e difusión da marca Lugo como destino turístico”.
Como sucedeu na última xuntanza do ano pasado, dende o goberno de PSOE e BNG empregaron esta xuntanza do Consello Provincial de Turismo para falar “dos éxitos que supostamente acadaron durante o 2024”, pero a realidade é que non fixeron nada por promocionar a imaxe de Lugo.
Neste senso, Ameijide destacou como exemplo negativo que “durante todo o verán os turistas que chegaron á provincia viron como as estradas da Deputación de Lugo estaban destrozadas e sen desbrozar, unha imaxe que nalgún concello se prolongou ata o mes de outubro, como tampouco se amañaron para garantir a seguridade de todos os usuarios”. “Queda claro que a preocupación de PSOE e BNG por atraer turistas é nula”, sentenciou.
Antonio Ameijide quixo destacar “o gran traballo” que se realiza dende o sector privado en prol do turismo na provincia. “De non ser por hoteleiros, hostaleiros e todos os empresarios e autónomos vinculados a este sector, non sei como nos iría a Lugo nin quen ía vir, a vista da nula política turística por parte da deputación provincial”, afirmou.
De feito, dende o Grupo Provincial Popular insisten na necesidade de realizar xuntanzas periódicas con representantes do sector para “escoitar aos que mellor coñecen o turismo na provincia e coñecer os seus puntos de vista para acadar unha xestión eficaz da promoción de Lugo”.
FALTA DE PROXECTO PARA 2025
Antonio Ameijide denuncia que tampouco se abordaron as liñas mestras que seguirá o goberno da Deputación de Lugo para a promoción da imaxe da provincia durante o vindeiro ano. “É moi triste ver como a piques de rematar o ano aínda non saben o que queren facer en 2025, xa que sería moi axeitado poder debater entre todos os presentes sobre os mellores proxectos para a promoción da provincia en 2025”, criticou.
Nesta ausencia de proxectos tamén chamou a atención a ausencia de explicación sobre a difusión da provincia de Lugo en Fitur. “Dende o goberno provincial deberían de ter pechadas as campañas de difusión e informar delas, entre as que debería de haber reunións con touroperadores e influencers, dúas das mellores liñas de promoción que hai na actualidade”, sinalou.
PROPOSTAS DO GRUPO PROVINCIAL POPULAR
Antonio Ameijide recorda como dende o Grupo Popular se realizaron xuntanzas cos alcaldes e voceiros populares nos 67 concellos da provincia, reunións das que saíron máis de 50 propostas para incorporar aos orzamentos da Deputación para 2025 (PSOE e BNG votaron en contra de telas en conta), entre as que se incluían para o turismo:
Elaborar un Plan Estratéxico de Turismo da provincia que teña en conta as necesidades e peticións das asociacións, entidades e empresas que participan na actividade turística da provincia e que forman parte do Consello Provincial de Turismo, así como a desestacionalización do turismo co obxectivo de diversificar a oferta turística e activar a economía da provincia durante todo o ano.
Apoiar e colaborar de xeito decidido da Deputación de Lugo para impulsar a candidatura de Ribeira Sacra para que consiga no 2026 o recoñecemento pola Unesco como Patrimonio Mundial, con accións como:
Mantemento e mellora das infraestruturas provincias que discorren pola Ribeira Sacra e mellora da sinalización dos seus recursos turísticos.
Regularización, impulso e posta en marcha dos clubs náuticos provinciais para mellorar a oferta de turismo fluvial.
Estudar a posibilidade de ofrecer novas rutas en catamaráns.
Realizar as xestións oportunas para a recuperación e posta en marcha das instalacións de Augasmestas, construídas en 1996 no concello de Quiroga.
Impulsar a construción e continuación da LU-P-4206 para conectar os concellos de Paradela e O Saviñao cunha vía turística e de conexión territorial que percorra a beira do río Miño poñendo en valor a zona e, polo tanto, constituíndo un atractivo turístico máis da Ribeira Sacra.
Garantir o bo estado das comunicacións na provincia, a seguridade das estradas provinciais, o principal acceso a puntos de interese turístico.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
