As actuacións realizaranse con cargo ao PIREP local logo da prórroga acadada polo goberno vilalbés para poder mellorar a eficiencia enerxética e a accesibilidade da Casa do Concello
Vilalba, 9 de xaneiro de 2025. A alcaldesa de Vilalba, Marta Rouco, vén de informar da adxudicación definitiva das obras para a rehabilitación da Casa do Concello á empresa Regenera construcciones y contratas 2022 S.L. por un importe de 1.106.185,96 euros.
As actuacións centraranse na rehabilitación da Casa Consistorial co fin de mellorar a súa eficiencia enerxética e accesibilidade e faranse con cargo ao PIREP local. Unha subvención conseguida polo goberno local no ano 2022 e cuxo proxecto fora sacado a licitación en tempo e forma.
Non obstante, “nese entón o procedemento tivo que declararse como deserto porque só se presentou unha empresa que segundo informou a mesa de contratación non cumpría os pregos”, explicou a alcaldesa de Vilalba, Marta Rouco.
En consecuencia, o equipo de goberno de Rouco traballou na consecución dunha prórroga desta importante subvención do Ministerio de Transportes, Mobilidade e Axenda Urbana, que foi acadada e permitiu que o Concello de Vilalba conte cos case 944.000 euros do Programa de Impulso á Rehabilitación dos Edificios Públicos de Entidades Locais.
“Estamos a falar dunha subvención de case un millón de euros que se conseguiu grazas ao proxecto presentado polo Concello e que baixo ningún concepto podiamos deixar escapar, pois sen esta axuda sería inviable levar a cabo a rehabilitación da Casa do Concello”, explicou a rexedora vilalbesa, Marta Rouco.
Pola súa banda, Rouco tamén fixo fincapé na importancia de “acadar axudas doutras institucións para, progresivamente, acondicionar os edificios públicos municipais que acumulan anos e anos sen un mantemento axeitado e que o goberno local herdou con graves problemas de filtracións de auga e humidades, como é o caso do Concello, a Casa da Cultura ou o Auditorio Municipal”.
OBRAS DE REHABILITACIÓN
No referido ás actuacións, co obxectivo de mellorar a eficiencia enerxética do edificio, incorporarase un sistema de xeración eléctrica composto por placas solares fotovoltaicas con batería e levarase a cabo unha renovación integral da envolvente, incorporando illamento e acabados en fachadas e cuberta.
Así mesmo, “substituiranse o total de luminarias existentes por outras de tecnoloxía LED; supoñendo estas actuacións, no seu conxunto, unha importante mellora para a sustentabilidade enerxética do edificio” salientou Marta Rouco, quen engadiu que “a Casa do Concello converterase en case autosuficiente en termos enerxéticos, o que reducirá as facturas de mantemento ao mínimo e repercutirá nun importante aforro económico para as arcas municipais”.
Pola súa banda, no interior do edificio introduciranse medidas de mellora da accesibilidade física e cognitiva, garantindo baños accesibles e información adaptada; melloras de confort, con zonas de espera e outros servizos en recibidores e distribuidores e melloras organizativas, coa recolocación dalgúns usos internos a través do reaxuste puntual dalgún dos espazos existentes.
“Lograremos un edificio máis ordenado, establecendo a fórmula para que cando o cidadán entre na Casa do Concello teña claro a onde ten que dirixirse e sexa moito máis intuitivo do que é neste momento”, concluíu a alcaldesa de Vilalba, Marta Rouco.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
