Reclama a Rueda que rectifique a súa posición e escoite o clamor social contra o proxecto contaminante que quere colocar no corazón de Galiza
Santiago de Compostela, 16 xaneiro 2025. A portavoz nacional, Ana Pontón, avanzou en Palas de Rei que o BNG solicitará a comparecencia das plataformas que están traballando en contra de Altri, así coma a dos sectores produtivos que están denunciando que a macrocelulosa é un atentado contra os seus proxectos empresariais e a de diversos sectores do ámbito científico e académico que sinalan como contaminante un proxecto que hai que parar porque po en risco o futuro do País.
“Agardamos que o Partido Popular acepte que se escoiten as voces críticas contra Altri no Parlamento galego e que non aplique a súa maioría para vetar esta proposta porque cremos que o Parlamento é un lugar onde a cidadanía está representada e a súa voz ten que ser escoitada directamente”, afondou.
Pontón fixo este anuncio logo da súa visita á explotación gandeira e de transformación láctea Arqueixal, na que exemplificou o potencial dos sectores produtivos da comarca da Ulloa, que demostran a capacidade de desenvolvemento do rural a través de proxectos innovadores, sustentables e respectuosos co medio e co territorio e cuxo futuro vese ameazado pola “bomba ambiental” que o Goberno do PP quere instalar no corazón de Galiza.
A líder nacionalista reclamou ao Executivo de Alfonso Rueda que “escoite o clamor social” contra a macrocelulosa e “rectifique” a súa posición “porque é evidente que o futuro non pasa por proxectos contaminantes, senón por desenvolver dunha maneira sostible o País”.
Neste sentido, empregou a coñecida canción de Bad Bunny, Lo que le pasó a Hawaii, para exemplificar o que suporía a instalación deste macroproxecto megacontaminante. “Como di unha canción que nestes días escoitamos e está moi de moda, queren quitarnos o río, queren quitarnos a praia, queren levarse a nosa riqueza e que os nosos fillos e fillas se vaian”, rememorou para advertir a continuación que isto é precisamente o que queren “multinacionais como Altri apoiadas polo Partido Popular”.
A portavoz do BNG apelou a evitar o desenlace que apunta o tema de Bad Bunny defendendo un “desenvolvemento sostible”, que é o que está defendendo precisamente a ampla maioría social que lle está dicindo ao PP “alto e claro” que non se pode permitir “esa macrocelulosa contaminante”.
Neste contexto, insistiu en pedir ao Goberno de Rueda que rectifique a súa posición e, na vez de facer de “comercial de Altri”, apoie aos sectores produtivos do rural, tal e como propón o BNG a través do desenvolvemento do denominado Plan Ulloa-Ulla-Arousa, unha clara aposta por un modelo de desenvolvemento alternativo e sustentable e que sería financiado cos 250 millóns de euros que o PP quere entregarlle a unha multinacional portuguesa para que, alertou, “contamine o País”.
Segundo explicou, o plan deseñado polo Bloque incidiría sobre tres grandes eixos de actuación: o primeiro, o apoio ao desenvolvemento dos sectores produtivos, con axudas específicas á base produtiva e aos proxectos económicos de transformación no medio rural, cunha gran capacidade para innovar e para instalar novas empresas, por exemplo, no ámbito agrogandeiro.
O segundo gran eixo de actuación pasa pola recuperación do río Ulla, tanto dende o punto de vista ambiental como cultural e económico, o que suporía tamén preservar a ría de Arousa, unha das rías máis produtivas de Galiza. E, en terceiro lugar, o Plan Ulloa-Ulla-Arousa contempla un cambio no modelo forestal, apostando por un monte multifuncional, que non se limite só á primeira transformación da madeira, senón que permita unha segunda e a unha terceira transformación do produto.
Preguntada pola posición do Goberno de Rueda que considerou un chamamento á prevaricación a petición de varios alcaldes de parar a macrocelulosa de Altri, Pontón recordou que o Executivo do PP, incluído o propio presidente da Xunta, “leva actuando dende o primeiro momento como comercial” da multinacional portuguesa, “na vez de defender os intereses do País”, posición que cualificou de “lamentable”.
Neste sentido, afirmou que a compañía lusa nin sequera precisa falar porque, criticou, “xa ten á Xunta defendendo sempre cada un dos seus intereses” en “contra do seu país”. “Iso creo que está máis próximo á prevaricación que que lle pidan que paralice Altri”, concluíu.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
