Xermade, 25 Xaneiro, 2025. Un grave accidente de tráfico entre dous turismos, rexistrado esta tarde no quilómetro 39 da LU-540, na parroquia de Cabreiros, no concello de Xermade, deixou unha persoa falecida e catro feridas, tres delas en estado grave.
O Centro Integrado de Atención ás Emerxencias (CIAE) 112 Galicia recibiu o aviso ás 15:00 horas, a través de chamadas de varios particulares que alertaban do sinistro. Os testemuños indicaban que no interior dun dos vehículos, onde viaxaban catro persoas, podería haber ocupantes atrapados. No outro turismo implicado viaxaba unicamente o condutor.
De inmediato, desde o 112 Galicia activouse un amplo dispositivo de emerxencias, no que participaron os servizos de Urxencias Sanitarias de Galicia-061, os Bombeiros de Vilalba, a Garda Civil de Tráfico e efectivos de Protección Civil.
Os Bombeiros tiveron que excarcerar a dúas persoas atrapadas nun dos vehículos. Lamentablemente, o condutor perdeu a vida no sinistro, mentres que o copiloto, en estado grave, foi trasladado de urxencia en helicóptero medicalizado con base en Santiago de Compostela. Ademais, os outros dous ocupantes deste mesmo turismo tamén resultaron feridos graves e foron evacuados ao centro hospitalario de referencia.
O condutor do outro vehículo implicado sufriu lesións menos graves e tamén precisou atención sanitaria e o seu posterior traslado.
O operativo mobilizado traballou intensamente tanto para atender ás vítimas como para restablecer as condicións de seguridade na vía.
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres.
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
