Cada familia pode ter acceso de varias persoas para consultar prestacións, servizo, persoal asignado e outras informacións de interese
Barreiros, 13 de febreiro de 2025. O Concello de Barreiros vén de poñer en marcha un novo servizo dirixido ás familias de persoas usuarias do Servizo de Axuda no Fogar (SAF), co que facilitan a información e a comunicación entre familias e o propio servizo.
A alcaldesa, Ana Ermida, explicou que se trata dunha aplicación móbil gratuíta na que poden darse de alta varias persoas e a través da cal se comunican de forma máis inmediata as modificacións ou informacións que atinxan ao servizo. “Trátase de dar tranquilidade ás familias con persoas usuarias, de xeito que teñan toda a información a disposición dun xeito áxil e sinxelo”, explica.
Ermida dirixiu unha carta a todas as familias, xunto coa concelleira delegada de Servizos Sociais, Carmen Veiga, na que traslada o compromiso do goberno municipal cos servizos públicos e, especialmente, no ámbito dos coidados, lembrando que “o SAF é un servizo prioritario, o esforzo inversor do Concello de Barreiros no mesmo é continuo, tratando de manter unha prestación pública directa como garante dun mellor servizo; o que supón que, pese a que o financiamento do mesmo non está asumido na súa totalidade pola Xunta de Galicia e o Estado, tal e como establece a Lei; o Concello de Barreiros segue prestando e investindo no servizo co obxectivo dun Concello no que as persoas sexan o centro das políticas. Tanto é así, que máis de tres cuartas partes do custo do servizo son asumidas exclusivamente polo Concello de Barreiros”.
Carmen Veiga manifestou igualmente que “tampouco o Concello é alleo aos cambios e avances nos dereitos das persoas traballadoras, por iso o servizo ten que organizarse atendendo ás necesidades do persoal traballador do mesmo e tratando de combinar eficientemente os dereitos do cadro de persoal cos dereitos de persoas usuarias e familias”.
A APP é totalmente gratuíta e pode solicitarse poñéndose en contacto co departamento municipal e facilitando os datos da persoa ou persoas que queren ter acceso á mesma.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
