Na reunión aprobouse o dispositivo de seguridade da Feira do Butelo, que se celebra a finais de mes
A Fonsagrada, 13 de febreiro de 2025. A subdelegada do Goberno en Lugo, Isabel Rodríguez, copresidiu esta mañá xunto ao alcalde da Fonsagrada, Carlos López, a reunión da Xunta Local de Seguridade do municipio. Nela fíxose unha avaliación dos datos de seguridade acadados o pasado ano e abordouse o dispositivo de seguridade da Feira do Butelo, que se celebra na fin de semana do 22 e 23 de febreiro.
A subdelegada felicitou o traballo desenvolvido pola Garda Civil no municipio, que volve a mellorar a taxa de eficacia policial durante o pasado ano, en base ao esclarecemento dos delitos. Así, Isabel Rodríguez indicou que no ano pasado a Garda Civil logrou esclarecer neste municipio o 69,4% das infraccións penais cometidas. “Sube o esclarecemento dos delitos con respecto ao ano anterior nun 21%, polo que temos que felicitar aos Corpos e Forzas de Seguridade”, apuntou. Nesta felicitación fixo mención á operación desenvolvida desde a Comandancia de Lugo que logrou deter unha banda de ladróns itinerante a mediados do mes de xaneiro, e que actuaran a principios de ano na localidade da Fonsagrada.
No que respecta á evolución da delincuencia, os datos aportados nesta reunión apuntan a un descenso significativo de case un 20% nos delitos cometidos en 2024 fronte aos datos do ano anterior, polo que a taxa de criminalidade baixou ata o 15,72 (delitos por cada mil habitantes). Isabel Rodríguez destacou estas cifras que apuntan que a criminalidade na Fonsagrada “sitúase 13 puntos por debaixo da media da provincia e menos da metade da taxa media autonómica”.
A subdelegada destacou que actualmente o catálogo de postos de traballo do Cuartel da Fonsagrada está cuberto ao 100%, o que permite dar un servizo máis axeitado nesta comarca.
Outras accións
A subdelegada tamén agradeceu as actividades que levan a cabo a través do Plan de Mellora da Convivencia Escolar e do Plan Maior Seguridade. No curso pasado, a Garda Civil desenvolveu nos centros educativos do municipio 10 charlas formativas, das que seis versaron sobre distintos tipos de adiccións. Este curso hai programadas polo momento 5 máis sobre temáticas relacionadas co acoso e a ciberseguridade, entre outros temas. Ademais, tamén se realizaron 5 charlas en distintos puntos do Concello destinadas a persoas maiores para formar sobre cuestións básicas de autoprotección e seguridade viaria.
Como é habitual, Isabel Rodríguez recordoulle ao rexedor que pode contar coa axuda do Goberno e da Subdelegación para todo o que precise e que sempre estarán alí para apoiar aos concellos do rural.
Feira do Butelo
A reunión da Xunta Local aprobou tamén o dispositivo de seguridade da Feira do Butelo, que se celebra os vindeiros 22 e 23 de febreiro. Como é habitual, este dispositivo combinará medios públicos e privados para garantir unha celebración segura.
Isabel Rodríguez fixo un chamamento á cidadanía para actuar con responsabilidade e poñer en coñecemento das Forzas de Seguridade calquera alteración da orde ou comportamento incívico do que sexa testemuña.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
