O delegado deu conta das actuacións que o Ministerio de Transportes está levando a cabo na renovación do firme da autovía para incrementar a seguridade e ofrecer as mellores condicións de circulación aos usuarios da vía
Becerreá, 15 de febreiro de 2025. O delegado do Goberno en Galicia, Pedro Blanco, puxo en valor o esforzo do Goberno pola conservación e mellora da rede de infraestruturas viarias na provincia de Lugo, supervisando as obras de acondicionamento do firme da autovía A-6 ao seu paso polo Cereixal, en Becerreá. Fíxoo xunto á subdelegada en Lugo, Isabel Rodríguez, e técnicos responsables da Demarcación de Estadas en Galicia.
O Ministerio de Transportes está executando 23,1 millóns de euros nesta actuación sobre a calzada da A-6. “Respondemos a unha demanda das e dos usuarios desta vía, que se enmarca dentro do traballo que levamos feito para garantir a seguridade e ofrecer as mellores condicións de circulación nas vías estatais”, apuntou o delegado.
“O compromiso do Goberno de España con esta provincia e a súa rede viaria é unha evidencia, pois vai licitar outros 30,4 millóns euros para seguir renovando os firmes da autovía A-6, mellorando a seguridade viaria dos e das lucenses”, destacou Pedro Blanco, quen fixo fincapé no traballo do ministro Óscar Puente en favor desta provincia.
Lembrou, ademais, que esta non é a única das accións do Goberno dentro deste eido na provincia de Lugo, pois o mes pasado elevou o investimento en 1,8 millóns ao comprendido para a mellora do firme tanto na A-6 como na A-8 e na A-54, “estradas que soportan un elevado tráfico e que precisaban destas melloras”.
Novo contrato para as estradas de Lugo
O Goberno vén de aprobar a formalización do contrato de conservación en 268 quilómetros (46,5 de autovía) das estradas na provincia de Lugo por máis de 17,7 millóns de euros, “o que supón unha nova mostra do compromiso do Goberno coa cidadanía lucense e as súas vías de comunicación”, como sinalou o delegado.
Este contrato recolle actuacións como a vixilancia e atención de accidentes, a viabilidade invernal, o servizo de control de túneles ou o mantemento das instalacións. Repercutirá en tramos da A-54, da A-56 e varios tramos das estradas N-540, N-540A, N-547, N-640, N-120, N-120A e LU-12 (de acceso a Lugo).
Impulso á mobilidade de Lugo
O delegado salientou o impulso ás estradas de altas capacidades da provincia que realiza o Goberno, que vén de inaugurar un novo tramo da A-54 e que estará en servizo na súa totalidade este mesmo ano. “Estamos facendo de Lugo unha cidade conectada e con futuro, cumprindo unha débeda histórica coa súa cidadanía a través de proxectos en materia de ferrocarril e de estradas”, precisou Pedro Blanco.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
