Ribadeo, 5 de marzo de 2025. Ribadeo conmemora o 8M cunha programación centrada na igualdade, a historia e a visibilización das mulleres. Vaise desenvolver ao longo de todo o mes de marzo.
A Área de Igualdade do Concello presenta unha ampla programación para conmemorar o Día Internacional da Muller. A concelleira Begoña Sanjurjo explica que “teremos exposicións, teatro, concursos, cine e mobilizacións, as actividades buscan recoñecer o papel das mulleres ribadenses no pasado e no presente, así como fomentar a reflexión sobre os retos aínda pendentes en materia de igualdade”.
A edil de Igualdade sinala que “dentro duns días poderemos gozar no parque de San Francisco da exposición Mulleres x mulleres. Con esta mostra pretendemos promocionar e valorar o potencial das mulleres de Ribadeo do pasado, do presente e do futuro dando a coñecer o valor dos seus logros, creación, achegas… Os centros educativos participarán nunha actividade para achegar esta realidade ás novas xeracións”.
Sanjurjo segue a relatar que “este venres, 7 de marzo, ás 20:30 horas no Cine Teatro terá lugar a representación de La Moderna. Máis de 30 menores ribadenses protagonizan esta obra, que nos fai viaxar a través da historia para entender os cambios sociais en materia de igualdade e os desafíos que aínda quedan por superar”.
A concelleira ribadense engade que “o propio sábado, 8 de marzo, o Observatorio da Mariña pola Igualdade organiza a tradicional marcha do 8M, á que o Concello de Ribadeo se suma para reivindicar os dereitos das mulleres”.
Begoña Sanjurjo subliña que “do 7 ao 27 de marzo desenvolverase o Concurso de Fotografía Qué é para ti a Igualdade?, que está aberto a toda a comunidade ribadense. Este certame busca plasmar en imaxes diferentes visións sobre a igualdade de xénero. O 19 de marzo ás 20 horas no Salón dos Alcaldes do Concello terá lugar a proxección do documental A nave das Marías, de Saamira Ganay. Trátase dunha proxección que xera espazos de visibilización e participación para mulleres migrantes, en colaboración coa ONG Ecos do Sur. Contaremos para a presentación e posterior coloquio con Cris Andina. Este documental foi finalista nos Premios Mestre Mateo”.
A concelleira de Igualdade engade que “a programación organizada arredor do 8M inclúe unha charla sobre Osteoporose: prevención e coidado, a cargo do xinecólogo Ezequiel Cardoso González. Será o 20 de marzo ás 20 horas no centro social comunitario. E remataremos o 23 de marzo cunha viaxe a Santiago de Compostela para presenciar o espectáculo A burra, a mesa e o pau. As prazas son limitadas. Para asistir é preciso inscribirse no teléfono do CIM 982 120 739 ata o 12 de marzo. O prezo é de 5 euros”.
A edil indica que “Ribadeo aposta pola igualdade e a visibilización das mulleres. Animámosvos a sumarvos e participar nestas actividades”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
