Foz, 12 de abril de 2025. A Delegación de Servizos Sociais do Concello de Foz vén de rematar un curso de poda en fruticultura e enxertos, moi demandado pola veciñanza de todas as parroquias do concello. Este curso, que contou con 28 participantes, deu comezo no mes de febreiro cun total de 25 horas na modalidade formativa presencial, sempre en sábados en horario de mañás, e foi impartido por unha enxeñeira agrónoma do centro formador Emergal Ensino.
A concelleira de Servizos Sociais, Ana Rojo, explica que “a temática deste taller era a introdución á poda en fruticultura de árbores coma maceiras, arandos, kiwis, pereiras, pesegueiros, marmelos, laranxos, cerdeiras, figueiras, nísperos e mirabeles, froiteiras con moita presenza nas hortas de todo o concello de Foz, tanto é así que todas estas podas foron realizadas en varias hortas das distintas parroquias que os propios alumn@s participantes cederon para realizar estas prácticas”.
“Como resultado da asistencia e remate do curso, dada a participación dos alumnos e alumnas, fíxoselles entrega dun diploma acreditativo”, indica Ana Rojo, que participou no acto xunto ao alcalde de Foz, Fran Cajoto.
A concelleira de Servizos Sociais engade que “dada a boa participación e a aceptación dos 28 alumn@s participantes, hai o compromiso do Concello de Foz de seguir organizando actividades dedicadas ó coidado das hortas no medio rural. A próxima tempada poñeremos en marcha outro obradoiro, encamiñado a unha agricultura con procesos naturais evitando o uso de produtos químicos, buscando unha agricultura máis natural, máis sa, que respecta o medio ambiente e libre de substancias químicas”.
Por outra parte Ana Rojo explica: “seguimos co resto de actividades en case todas as parroquias e no propio casco urbano de cursos que se están a impartir dende comezos de novembro de pilates, bolillos, memoria, cociña con aproveitamento dos recursos da natureza da zona e gastronomía local, etcétera. Son iniciativas do noso Concello que xorden para impulsar e promover a participación cidadá e que se reforcen os arraigamentos con actividades que revertan sobre a poboación e vaian encamiñadas ó reforzo individual e á mellora da sociabilidade cara a un mellor benestar dos nosos veciños e veciñas, sobre todo dos nosos maiores”.
“Agradecemos dende o Concello, un ano máis, a cesión das instalacións do Club Náutico para impartir o curso de cociña e aproveitamento dos recursos da zona, que se está a dar nestes meses. Así mesmo agradecemos ó grupo Gadisa a doazón de vales gratuítos para mercar alimentos que se elaboran en cada menú deste obradoiro”, comenta a concelleira de Servizos Sociais, que ademais anuncia: “seguiremos promovendo, impulsando e promocionando estas actividades encamiñadas á participación dos nosos veciños e veciñas e que revertan sobre todo na poboación dos máis maiores”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
