Foz, 11 de abril de 2025. O alcalde de Foz, Fran Cajoto, mostrouse exultante este venres ante o anuncio da Dirección Xeral de Urbanismo de referendar o acordo plenario de Foz de outubro do ano 2024 e aprobar de forma definitiva e completa o Plan Xeral de Foz.
Fran Cajoto, lembra que “o 18 de setembro do ano 2018 a Consellería de Medio Ambiente e Ordenación do Territorio da Xunta de Galicia aprobou parcialmente o Plan Xeral de Foz, deixando en suspenso tres zonas: terreos clasificados como urbanos entre a estrada nacional N642 e o ferrocarril, terreos clasificados como solos urbanizables industriais no entorno do parque empresarial de Foz, situado en Fazouro, e os terreos da parroquia de Cordido clasificados como solo de núcleo rural. Esta aprobación parcial do goberno anterior provocou un grave prexuízo aos veciños de Cordido, que desde esa data non puideron obter licenza para vivendas en ningún terreo da parroquia. Desde o primeiro minuto que entramos a gobernar estivemos traballando para legalizar a captación diante de Augas de Galicia e conseguir a aprobación definitiva e completa do PXOM, para conseguir solucionar unha situación de bloqueo que herdamos coa alcaldía”.
O alcalde recorda tamén que “en novembro do ano 2023 o Concello de Foz obtivo de Augas de Galicia a ampliación de caudal do río Ouro e en febreiro do 2024 a legalización da captación de Cordido. En xuño de 2024 levábase por primeira vez a pleno a aprobación definitiva e completa do PXOM e, despois das correccións técnicas requiridas, de novo en outubro do 2024”.
Ademais Cajoto explica: “este venres recibimos comunicación telefónica e escrita da directora xeral de Urbanismo, María Encarnación Rivas, da aprobación definitiva dos ámbitos deixados en suspenso. En nome propio e de toda a corporación dinlle as grazas, polo trato recibido e polo interese que puxo en resolver o expediente de Foz. En próximas datas vaise publicar no Diario Oficial de Galicia a orde emitida pola Consellería de Vivenda e Planificación de Infraestruturas. Desde este momento todo aquel que queira construír unha vivenda en Cordido xa o vai a poder facer e poderemos aproveitar as oportunidades de emprego que se nos presenten desenvolvendo tamén o solo urbanizable do parque empresarial. Esta é unha moi boa nova para o noso concello”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
