O remanente de tesourería supera os 280.000 euros, sendo o máis alto dos últimos vinte anos
Barreiros, 11 de abril de 2025. O goberno municipal de Barreiros deu conta no pasado pleno da aprobación da liquidación do orzamento de ano 2024. Tras atopar uns resultados orzamentarios nos anos 2018 e 2019 con todos os indicadores en negativo, chegando a acumular un remanente negativo de máis de 575.000 euros e unha débeda de máis do 45% do orzamento no ano 2017, a economía barreirense comeza a ver luz.
A alcaldesa, Ana Ermida, manifestou a satisfacción polo “traballo ben feito” e amosouse orgullosa de que este goberno municipal fora quen de mellorar de tal xeito os resultados sen que se viran afectados os servizos. “É mais, sinalou, estanse a poñer en marcha servizos, actividades e espazos que nunca existiran en Barreiros; tendo un concello dinámico e cheo de vida para desfrute da veciñanza”.
Ermida explica que “esta situación só foi posible pola responsabilidade á hora de xestionar os cartos públicos, actuando con criterio, priorizando e tendo claro que a nosa función e facer de Barreiros un lugar mellor para vivir e do que a veciñanza estea orgullosa”.
“Cremos na potencialidade de Barreiros e estamos aquí para sacala a flote e non para aproveitarnos da situación. Este goberno está demostrando, non só a capacidade de gobernar e xestionar, senón o proxecto que ten para facer un Barreiros do futuro no que todo o mundo gañe. E non só uns poucos”, manifestou.
Neste sentido sinalou a importancia de ter realizado esta xestión económica que permite agora mesmo estar traballando en proxectos e investimentos que coa situación económica anterior non eran posibles.
A rexedora sinala que, con estes datos, Barreiros respira e, se as normas económicas que marca o Estado o permiten, o remanente de tesourería podería dedicarse a investimentos, como se podería ter feito anos atrás de ser este indicador positivo. “Agora toca aproveitar todo o esforzo feito para que fructifiquen eses proxectos que era imposible pensar en Barreiros hai uns anos”, asegurou.
Os datos económicos do ano 2024 veñen a pechar unha etapa de varias décadas no que a economía municipal nunca acababa de despegar, mantendo sempre indicadores en negativo.
Así o explicou no pleno o concelleiro de facenda Antonio Veiga, que deu conta dunha liquidación na que o resultado orzamentario é de máis de 56.000 euros, o resultado económico supera os 264.000 euros e contan cun remanente de tesourería de máis de 280.000euros. Ao tempo, a débeda municipal descendeu ao 10,58% do orzamento.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
