Mañón, 21 de abril, 2025. Nordés chega ca primeira actividade do 2025.
Desta vez integrando o coñecemento da EcoAldea O Cadaval dentro das xornadas que comezaban no 2018 chamadas “Alternativas do Rural” para mostrar as realidades do(s) territorio(s) que habitamos e as posibilidades do(s) mesmo(s).
Sábado, 26 de abril, ás 10:30h. Visita guiada.
O Cadaval é un lugar que comprende máis de 10 hectáreas de terreo. Percorreremos o seu bosque comestible, a súa fraga autóctona e as súas construcións e vivenda tradicionais.
Durante a visita explicarán a súa filosofía e os obxectivos a medio prazo da comunidade creada e futura.
Prezo da xornada (coa comida incluida ás 14:30h. con coloquio posterior):
10,00€/persoa asociada ou crianzas entre 4 e 11 anos.
15,00€/persoa non asociada.
No xantar haberá opción vexetariana.
Domingo, 27 de abril, entre as 09:30h e as 14:30h. Obradoiro de bioconstrución.
O albanel Adrián Keiser, tamén veciño das Grañas, impartará un obradoiro de bioconstrución de muros tradicionais centrándose non só na realización, senón tamén na reparación e encintado con cal hidráulica.
Prezo da xornada (coa comida incluida ás 15:00h. con coloquio posterior):
20,00€/persoa asociada.
25,00€/persoa non asociada.
10,00€ para crianzas entre 4 anos e 11 anos.
No xantar haberá opción vexetariana.
As prazas son limitadas, por iso, é importante anotarse no 630742554 (Quique) para un só día ou para as xornadas completas.
As crianzas entre 4 e 11 anos terán unha monitora cunha actividade adaptada.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
