Ribadeo, 28 de abril de 2025. Ribadeo segue a mellorar as súas infraestruturas. Remataron os traballos realizados na zona de Recarei e nas rúas do Cemiterio e Irmáns Moreno Ulloa.
O alcalde, Dani Vega, contou que “seguimos mellorando as nosas rúas e tamén todo o seu equipamento. Na rúa do Cemiterio, toda a zona de Recarei, tamén Irmáns Moreno Ulloa, activamos unha serie de melloras. Primeiro, a rúa toda do Cemiterio, a beirarrúa que está diante da clínica veterinaria fundiuse e arranxámola toda. Melloramos a zona da rampla para as persoas con mobilidade reducida.Tamén melloramos todos os hitos que estaban moi deteriorados, pintámolos e arranxámolos. Tamén limpamos toda a rúa, fixemos o que se chama decapar, sacar toda esa suciedade pegada nas beirarrúas”.
O rexedor seguiu a relatar que “tamén actuamos diante do restaurante o Cabazo, seguindo esa liña que temos no Concello de mellorar todas as rúas, tamén desde un punto de vista da mellora da accesibilidade, e desde logo toda esa zona tivo unha mellora considerable e importante. Tamén quedan cousas por facer. E nestes momentos estamos xa analizando como vamos mellorar esa parcela que está na esquina a carón dos contedores, que leva moitos anos abandonada, e hoxe tamén queremos anunciar que dentro desas melloras vamos activar unha serie de actuacións nesa parcela, nesa esquina que é municipal. Polo tanto toda unha zona que estaba bastante abandonada, deteriorada, que non había conservación, eu sempre digo que está moi ben investir, está moi ben xestionar o orzamento para novas inversións, pero hai que conservar o que temos”.
Para Dani Vega “de pouco sirve traer inversión e ao pasar do tempo non activar esa xestión para a conservación e así deixarse abandonar rúas ou edificios como, por desgraza, nos pasa nestes momentos. Actuamos cunha inversión en toda unha zona e vamos seguir mellorando espazos, seguir investindo para que Ribadeo avance”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
