Iria Castro presentou as actividades que inclúen xogos de rol e de mesa, un obradoiro de robótica e un certame en redes sociais , do 12 ao 18 de maio
Lugo, 8 de maio de 2025. A Rede Museística Provincial desenvolverá ao longo da vindeira semana – do 12 ao 18 de maio- unha ampla axenda para conmemorar o Día Internacional dos Museos – 17 de maio – que se celebra internacionalmente baixo o lema “O futuro dos museos en comunidades en constante cambio”
Os catro museos – Museo Provincial de Lugo, Museo do Mar de San Cibrao, Pazo de Tor e Fortaleza de San Paio de Narla – acollerán mais dunha ducia iniciativas que, partindo das coleccións e dos valores patrimoniais dos diferentes museos, poñen en valor a diversidade, a creatividade e o diálogo intercultural.
A programación pon o foco na mocidade, público obxectivo da maioría das protagonista e protagonista tanto no deseño e coordinación de propostas como as I Xornadas de rol e xogos de mesa -o 10 e 11 de maio na Fortaleza de San Paio de Narla – , o obradoiro Robótica e arte moza, con Enrique Peñalver, -o 18 de maio no Museo Provincial de Lugo- ou o certame “Xunventude en acción: A noite é nosa” que convoca a compartir a través de Instagram creacíons inspiradas nos museos provinciais.
A deputada de Cultura Iria Castro participou este xoves na presentación das actividades, onde destacou “a diversidade de colectivos e persoas que participan na programación recollendo os froitos do traballo en rede que se realiza desde os museos” e valorou “que se apele de forma especial á mocidade, asumindo o reto de facer dos museos espazos máis atractivos e máis próximos para a rapazada”.
Programa DIM 2025
Estratexias de Museoloxía Social: Comunidades en cambio
Todos os martes
Un espazo de conversa e reflexión sobre diversidade e diálogo intercultural.
Presentación do Omeka da RMPL
16 de maio – Semana dos Museos
A RMPL lanza unha nova plataforma dixital baseada en Omeka, ferramenta libre e aberta para divulgar o patrimonio cultural. O proxecto inaugúrase coa exposición en liña “Cousas de Alén do Mar en Tor”, e seguirán novas coleccións dos museos da rede.
Xuventude de/en Lugo
Espazo para a creatividade, o xogo e a expresión cultural!
I Xornadas de rol e xogos de mesa
10 e 11 de maio
Fortaleza de San Paio de Narla
Teatro no Pazo de Tor polo Día das Letras Galegas
17 de maio – 19h
Representación do grupo de teatro do CEIP A Gándara.
Obradoiro “Robótica e arte moza” . Enrique Peñalver
18 de maio – 10:00 a 13:00
Museo Provincial de Lugo
Entrega do Premio “Cousas do Retorno. Ser Migrante”
18 de maio – 12:30 MPL
Xuventude en acción: A noite é nosa. Belén Linares
Súmate á iniciativa compartindo en Instagram as túas creacións inspiradas nos museos da nosa rede e no lema do Día Internacional dos Museos 2025. Podes compartir vídeos, textos, fotos… ¡o límite é a túa imaxinación!
Do 12 ao 18 de maio. É imprescindible ser maior de idade e menor de 30 para participar.
Indicacións de participación:
– Etiquétanos na túa publicación.
– Envíanos o enlace ao noso correo: comunidadermpl@gmail.com
– Entre todas as persoas participantes, sortearemos unha fin de semana na Ribeira Sacra!
– O sorteo será o 20 de maio de 2025, en directo no noso Instagram.
Cousas Nosas: Cultura e tradicións
Encontro de saberes sobre O futuro dos museos en comunidades en cambio
11:00 horas
Museo Provincial de Lugo
Inauguración da exposición “Adiante”
16 de maio – 12:00
Museo Provincial de Lugo
Encontro con Alba Díaz Geada: “Mudar en común: Galiza 1959-1982”
16 de maio – 17:30 horas
Museo Provincial do Mar
Obradoiros sobre cultura e historia, en colaboración con Caetra Lucensium
17 e 18 de maio – 11:00 a 14:00
Museo Provincial de Lugo
Aldeáns: Pasarela de traxes tradicionais. Ano Castelao 2025
18 de maio – Dous pases, 18:00 e 19:00
Fortaleza de San Paio de Narla. Servizo de autobús desde Lugo (saída ás 17h desde Cruz Vermella na Avda. Madrid , regreso ás 20h).
O 18 de maio, Día Internacional dos Museos, agasallo para todas as persoas que visiten os museos da rede!
Día Internacional dos Museos
O Día Internacional dos Museos, promovido internacionalmente polo ICOM (Consello Internacional dos Museos), celébrase este ano baixo o lema “O futuro dos museos en comunidades e constante cambio”.
Un epígrafe que convida á reflexión sobre catro piares fundamentais: a necesidade dos museos de adaptarse aso cambios, evolucionando coas mudanzas sociais, tecnolóxicas e ambientais que nos afectan no día a día, fomentar a inclusión de foram que todas as persaos se sintan representadas e protagonistas da cultural, actuaren como motores de trnasforamción xerando conciencia e impulsando accións posiitva na sociedade e traballar en colaboración cos colectivos sociais para empoderar ás comunidades.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
