A Casa da Cultura acolle o encontro ‘Saúde en Marcha’ da Estratexia de Saúde do Concello
Burela, 26 de maio de 2025. As Festas de Burela continúan enchendo de vida e actividade o municipio. Esta tarde, a partir das 19:00 horas, terá lugar a xornada ‘Saúde en Marcha’, un encontro aberto á cidadanía da Estratexia de Saúde do Concello de Burela, que terá lugar no Auditorio da Casa da Cultura.
A actividade chega despois dunha xornada de domingo dedicada á cativada. Onte, domingo 25 de maio, celebrouse o Día Infantil, cunha festa de inchábeis na Praza da Mariña e unha actuación musical a cargo da agrupación ‘La Penúltima Sabinera. El Tributo’.
As Festas de Burela continúan durante os próximos días cunha programación variada e pensada para todas as idades. O martes 27 será a xornada de ‘Música na Rúa’, con diferentes actuacións musicais en varios lugares da vila, dende batucadas ata agrupacións corais e tradicionais. A música continuará o mércores 28 co karaoke infantil e xuvenil, seguido o xoves 29 polo karaoke sénior, cunha retransmisión en streaming para achegar o evento a todos os públicos.
O venres 30 celebrarase o ‘Venres das Festas’, con atraccións no recinto feiral e unha verbena nocturna con Fórmula e Cinema. O sábado 31 será a xornada da ‘Alfombra Floral’, acompañada do pasarrúas a cargo da Agrupación musical Acotaga de Ferrol, unha sesión vermú coa orquesta Ritmo Joven, misa cantada pola Coral Polifónica de Burela coa Procesión Nocturna de baixada das imaxes da Virxe do Carme e San Xoán Bautista e unha verbena nocturna coas orquestas Ritmo Joven e América.
O domingo 1 de xuño a programación comezará cun pasarrúas a cargo da agrupación musical Santo Inocencio de Burela e da banda da OJE Nosa Señora do Nordés de Ferrol.
Ás 12:00 horas celebrarase a misa de campaña cantada polo Coro Polifónico de Burela na Praza do Porto. A continuación terá lugar a solemne Procesión Marítima, coa imaxe da Virxe do Carme embarcada e acompañada pola frota do porto. Xa pola tarde, haberá dúas sesións de verbena popular, unha ás 14:00 horas co grupo Solara e outra ás 23:00 horas coas orquestras Solara e Combo Dominicano, que pecharán o domingo con música e baile para todos.
As celebracións rematarán co ‘Luns das Festas’, con máis música e procesións, e a ‘Ofrenda Floral’ o martes 3, nun acto emotivo en lembranza das persoas falecidas no mar.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
