“A Dirección do Hospital da Mariña ordena por escrito ao persoal facultativo que asume as gardas de área médica, que as e os pacientes que requiran de ingreso a cargo de medicina interna, sexan ingresados en Lugo”
dav
Burela, 27 de agosto, 2025. Dende CIG-Saúde denuncian que habendo camas libres no Hospital da Mariña, estanse a derivar por orde da Dirección e contra a vontade do persoal facultativo de plantilla e contra a vontade das e dos usuarios, pacientes que requiren de ingreso cara o HULA pola incapacidade da equipa Directiva para dotar ao centro do persoal necesario para asumir as necesidades sanitarias da Comarca.
A Central Nacionalista cualifica de pésima planificación o peche da planta de Medicina Interna (38 camas pechadas) durante xullo, agosto e setembro no Hospital da Mariña, denunciado xa por esta central sindical o pasado 11 de xuño, por carecer de calquera xustificación técnica posíbel e convida á Directora, Xerente e demais responsables políticos de tal decisión, a que den explicacións públicas as e os pacientes que son forzados a ingresar en Lugo tendo camas valeiras no seu hospital de referencia, o hospital da Mariña. Advirten que detrás da boa aparencia pola renovación das fachadas, dando a impresión de que se está a apostar polo crecemento do hospital, agóchase un hospital desmantelado pola falta de persoal.
Traslados grupais de pacientes para ingresar no HULA
Segundo información que achegan á CIG, o pasado luns 25 de agosto do 2025, ante a necesidade creada de ingresar pacientes en Lugo, o Hospital da Mariña prescinde das ambulancias destinadas a traslados urxentes, deseñadas para un máximo de dous pacientes, e novamente da paso á utilización de ambulancias destinadas ao transporte de pacientes que acoden a rehabilitación ou a diálise, as coñecidas como de transporte colectivo, repetíndose o acontecido en marzo deste mesmo ano . A calidade asistencial pasa a un segundo plano establecéndose como prioridade a evacuación de pacientes e así, deste xeito, polo que fomos coñecedores logo de que unha paciente nos chamara para expresar seu enfado e malestar, grupos de 4 pacientes nunha mesma ambulancia e ao cargo de unha soa enfermeira, emprendían viaxe interhospitalario dende un hospital parcialmente pechado, o de A Mariña, ata o hospital da cidade de Lugo, o HULA.
A CIG ten denunciado en reiteradas ocasións a degradación do hospital da Mariña e a precariedade laboral dos profesionais da sanidade da comarca “A consecuencia directa desta política laboral da Xunta do PP é que a data de hoxe, atopámonos sen persoal dabondo para cubrir as necesidades básicas en materia de saúde da comarca e que os pacientes que deberan estar ingresados no Hospital da Mariña, atópanse a máis de 100km arrastrando con eles as súas familias”, reiteran.
Dende a Central Nacionalista afirman: non imos deixar de berrar “onde están os maís e mellores servizos” que falsamente nos venderon. Este é o froito das políticas sanitarias do Partido Popular polas cales “atopámonos con menos e peores servizos, máis derivacións e ingresos no HULA de pacientes da Mariña, e a imposibilidade de garantir una sanidade equitativa, digna e de proximidade a todas e todos os que vivimos na Mariña.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
