Este festival itinerante levará contos e historias cada venres a diferentes lugares e parroquias do municipio, cunha programación pensada para persoas de todas as idades que arrincará o 5 de setembro
Cervo, agosto do 2025. O Concello de Cervo vén de presentar o Festival de Narración Oral “De Cobo a Xunco”, que se celebrará ao longo do mes de setembro, cada venres, en distintas parroquias e lugares do municipio. Na presentación participaron a alcaldesa, Dolores García Caramés e Carmen Conde e de Diego Gallego, en representación da compañía Tarabela Creativa, de quen partiu a idea orixinal da proposta.
“De Cobo a Xunco” toma o nome dos dous ríos cervenses —o Cobo e o Xunco— que percorren o municipio ata atoparse co mar, simbolizando o camiño compartido das historias que unen ás persoas e á cultura local. Este festival pretende programar a grandes profesionais da narración oral galega para o publico infantil e adulto, e crear unha competición sana entre ambos ríos nunha gala final que se celebrará no auditorio da Casa da Cultura de San Ciprián, o venres 26 de agosto, ás 22:00 horas, que contará con Carmen Conde como embaixadora do Río Cobo e con Caxoto como embaixador do Río Xunco; ademais de Lupe Blanco e Alba María que regueifando cada unha en representación dun río; o público asistente escollerá cos seus aplausos que río é o gañador.
Tamén haberá un recoñecemento a un persoeiro/a da Cultura de Cervo.
A alcaldesa Dolores García Caramés quixo poñer en valor esta iniciativa que aposta pola tradición oral como ferramenta de expresión, convivencia e memoria, ao tempo que animou a toda a veciñanza a participar nas diferentes sesións previstas.
Quixo agradecer especialmente á compañía Tarabela Creativa a proposta orixinal do festival, unha idea que recolle o espírito creativo e participativo de Cervo.
Programación completa do festival
VENRES 5 de setembro
REGATO (público infantil) – 17:00 h
Escolas vellas de Cervo
Da man de Caxoto
RÍO (público adulto) – 22:00 h
Local social de Trasbar
Da man de Dani Blanco
VENRES 12 de setembro
REGATO (público infantil) – 17:00 h
Escolas vellas de Rúa
Da man Brais das Hortas
RÍO (público adulto) – 20:00 h
Local social de Lieiro
Da man de Paula Carballeira
VENRES 19 de setembro
REGATO (público infantil) – 17:00 h
Local social da Senra
Da man de Marta Ortiz
RÍO (público adulto) – 22:00 h
Antigas Carboeiras de Sargadelos
Da man de Soledad Felloza
VENRES 26 de setembro O PECHE
RÍA (público adulto) – 22:00 h
Gala final no auditorio da Casa da Cultura
Da man de Carmen Conde (Embaixadora do Río Cobo) e Caxoto (Embaixador do Río Xunco)
Ademais de Lupe Blanco e Alba María, regueifando representando cada unha un río
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
