A subdelegada puxo de relevo que a transición ecolóxica é “unha ponte cara ao futuro” e agradeceu ao tecido empresarial e á alcaldesa o interese amosado
Vilalba, 7 de marzo de 2025. A subdelegada do Goberno en Lugo, Isabel Rodríguez, destacou esta mañá en Vilalba o apoio do Goberno ao tecido empresarial a través dunha nova convocatoria de axudas do Instituto de Transición Xusta. A Casa da Cultura da capital chairega acolleu unha xornada informativa dirixida a empresarias e empresarios da comarca co fin de coñecer estas axudas para o fomento de proxectos que xeren e manteñan emprego nas zonas afectadas polo peche de instalacións intensivas en carbono.
A subdelegada do Goberno en Lugo, Isabel Rodríguez, e a alcaldesa de Vilalba, Marta Rouco, foron as encargadas de inaugurar o acto, que contou co relatorio técnico de Nuria Álvarez, axente do territorio para as zonas de transición xusta en Galicia, e de Rosa María Vázquez, consultora da empresa Técnica de Envases Pesqueros Tep, S.A., que compartiu a experiencia dun proxecto apoiado na anterior convocatoria.
Na súa intervención, Isabel Rodríguez destacou que “hoxe falamos de oportunidades reais e transformadoras para a nosa provincia” e subliñou que o Goberno está a poñer en marcha instrumentos que permiten avanzar cara a unha economía máis sostible “sen deixar a ninguén atrás”. Recordou que, desde 2019, investíronse máis de 120 millóns de euros nas zonas de transición xusta de Galicia, con preto de 400 empregos estimados.
Durante a xornada explicáronse dúas liñas de axuda para este 2025: por unha banda, as axudas PPEE para proxectos empresariais xeradores de emprego; e por outra, a liña MINIMIS, centrada en pequenos proxectos de investimento. Ambas están reguladas polas ordes TED/1240/2022 e TED/1239/2022, respectivamente.
Investimentos do ITJ
A subdelegada puxo en valor outros exemplos de axudas que repercutiron positivamente no concello, como o da empresa vilalbesa Estudios Rafer, adxudicataria dunha ampla parte da formación promovida polo Instituto para a Transición Xusta, ou o impacto do programa cultural Dinamiz-ARTj, que “tamén contribúe a crear emprego e cohesión social”.
Finalmente, Rodríguez animou ás persoas empresarias e emprendedoras a participar nestas convocatorias e a aproveitar esta oportunidade de “diversificar o tecido produtivo e garantir que os nosos concellos teñan futuro”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
