O pleno aprobou a moción nacionalista que reclama ao Partido Popular “a activación inmediata das axudas anunciadas”
Lugo, 27 de maio de 2025. O BNG trasladou ao pleno provincial a “situación agónica” das produtoras e produtores da faba que , en pleno inicio da campaña, seguen sen recibir as axudas comprometidas pola Xunta de Galiza para paliar a perda da colleita de 2024.
“Os anuncios que fixo a Conselleira na reunión do pasado 14 de marzo non se traduciu na activación de medidas urxentes, que reclamaba o sector”, criticou o deputado . As produtoras tiveron que asumir absolutamente todos os gastos da nova plantación logo de ter perdido a práctica totalidade da última colleita”, explicou o deputado Daniel García, que reclamou a posta en marcha inmediata das axudas prometidas.
“Hai moitas familias de labregos e labregas que están sufrindo dificultades para afrontar os custos de produción e víronse obrigados a devolver algún pedido das varas para o titorizado das plantas. Aos produtores non lles serven máis escusas, incidiu o deputado mariñao que ve “á Xunta de Galicia, máis preocupada pola axenda de festexos de fin de semana , que comprometida co sector da faba” Nesa liña, contrapuxo a tardanza nas medidas para as pequenas producións coa “axilidade” nos procedementos para a grande industria extractiva.
Daniel García introduciu tamén no debate demandas estratéxicas para garantir a continuidade dunha produción fundamental na comarca da Mariña, como a implicación da Xunta de Galiza na defensa dunha axuda asociada para a faba na PAC e máis medios recursos para investigación en formación en prácticas agrícolas máis resilentes ao cambio climático.
As propostas recóllense na moción presentada polo BNG no pleno provincial, aprobada malia a oposición do PP. Con esta iniciativa, a formación nacionalista dá continuidade a actividade política e institucional desenvolvida nos últimos meses en defensa do sector.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
