Os socialistas denuncian que o rexedor bloquea o debate e emprega o pleno para atacar á oposición no canto de responder á cidadanía
Muras, 28 de agosto de 2025. O Grupo Municipal Socialista de Muras denunciou a actitude “obstrutiva e autoritaria” do alcalde no pleno celebrado este mércores, no que impediu á voceira socialista, María Jennifer Gómez, defender as dúas mocións rexistradas polo PSdeG o pasado 19 de agosto.
“Dixo que estaban fóra de prazo, pero é falso. Presentámolas antes da comisión informativa e tiña perfecta constancia delas”, sinalou Gómez, quen advertiu que se trata “dun novo exemplo da falta de transparencia e da ditadura que o alcalde está a exercer sobre todo o que presentamos desde a oposición”.
“Mocións bloqueadas: beirarrúas inseguras e falta de transparencia”
Aínda que non puideron ser debatidas no pleno pola censura do rexedor, as mocións socialistas recollían dúas cuestións prioritarias para o municipio. A primeira, reclamada pola propia veciñanza, propoñía a ampliación dun tramo de beirarrúa entre a Igrexa de San Pedro e o bloque da Rúa Margarida, así como a reparación das xa existentes ata A Volta, hoxe nun estado “lamentable e inseguro”. A medida pretendía garantir a seguridade viaria e a accesibilidade universal, especialmente para persoas maiores, nenos e veciños con mobilidade reducida.
A segunda moción reclamaba a creación de comisións informativas mensuais para poñer fin á opacidade na xestión municipal, obrigando ao goberno local a render contas sobre execución orzamentaria, contratos, subvencións e o estado dos proxectos en marcha.
“Estas propostas non van quedar no caixón. Volveremos presentalas porque responden a necesidades reais da veciñanza e porque a transparencia non é opcional, é unha obriga democrática”, advertiu a voceira.
“Censura, improvisación e falta de respecto á oposición”
Segundo explican os socialistas, o alcalde tentou presentar “de urxencia” unha modificación do proxecto de reparación de estradas, sen informar previamente á oposición. “Nin sequera puidemos votar o fondo da proposta porque non se aprobou a súa urxencia, ao non ter avisado do cambio. É unha mostra máis da súa improvisación e da falta de rigor na xestión municipal”, criticou Gómez.
Ademais, denunciou que o rexedor lle negara o dereito a replicar. “Limitouse a increparme sen responder a ningunha das preguntas. As súas palabras textuais foron: non aportas nada, só crispación; e chegou a dicirme que debería dimitir. É intolerable que se utilice o pleno para insultar á oposición en vez de para responder ás necesidades da veciñanza”.
“Compromiso coa veciñanza fronte ao autoritarismo”
“O alcalde demostra unha vez máis que non está disposto a dialogar nin a respectar as regras democráticas. Converte os plenos en escenarios de crispación en lugar de espazos de debate útil”, recalca a voceira socialista.
Desde o grupo municipal subliñan que o PSdeG de Muras “non vai calar” e seguirá defendendo os intereses da cidadanía con propostas útiles e transparentes. “Estamos aquí para mellorar o municipio fronte á parálise e o autoritarismo dun alcalde que goberna de costas á realidade. Non imos consentir que se silencie á oposición nin que se desprece á veciñanza”, conclúe Jennifer Gómez.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
