Xove, 30 de agosto, 2025. O grupo Socialista de Xove presentou no pleno de xuño un rogo expoñendo a situación na que se atopa o Centro médico de Xove.
A atención sanitaria na nosa comarca está en claro retroceso, tanto no hospital da Costa coma na atención primaria en case todos os concellos .En concreto en Xove,nas últimas datas e debido a xubilación dunha gran profesional, vemos que un día si e outro tamén só temos unha médica de cabeceira ,e en agosto nin iso. Non fai tantos anos, tiñamos 3 médicos de cabeceira, e xa fai un tempo ,só temos unha médica de cabeceira e a outra plaza cúbrese con médicos itinerantes. De todos é sabido, a importancia do médico de cabeceira e a relación estreita cos seus pacientes; imposible que exista cando nunca tes o mesmo. Destacar tamén o servizo precario de pediatría, xa que só hai 3 días á semana e ata as 10:30; compartido con outro municipio veciño.
Polo que instamos ao Goberno Local a solicitar a Xunta de Galicia que cubra esas prazas vacantes con dous médicos fixos e amplíe o servizo de Pediatra a cubrir todos os dias da semana a horario completo.
“O tempo tristemente nos da a razón, cunha incidencia grave que ocorreu hai dias, na cal un veciño de Sumoas morreu a causa dun infarto pola demora e falta de atención médica. Todo o noso apoio a esa familia por pasar por ese trance, que lamentablemente pode repetirse en calquer momento, debido a falta de medicos”.
“Queremos denunciar, como en ocasións anteriores, o abandono do sistema sanitario no que estamos no noso concello e comarca. En Xove deberíamos contar con 3 médicos de cabeceira e pediatra a tempo completo xa que somos un concello de 3500 habitantes e cun centro xeriátrico con 150 internos, o que supón máis carga de traballo para os médicos de cabeceira”.
“A Xunta de Galicia do Sr. Rueda, está acabando coa sanidade en todo Galicia, pero en especial nos concellos pequenos na comarca da Mariña co desmantelamento do Hospital da Costa”.
“Todos os días temos noticia de peche de servizos e traslado a Lugo, isto indica que o obxectivo cando se trasladou a dirección do Hospital a intención era clara. Están precarizando a vida laboral dos sanitarios o que os obriga a pedir traslado para poder ter vida”.
“En conclusión, este grupo quere denunciar a situación alarmante do noso concello; trasladaremos a problemática a través dos nosos parlamentarios e loitaremos o que faga falta”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
