O PP de Foz solicita que se redobre o número de efectivos ou que se contrate persoal e medios suficientes para garantir que os traballos de desbroce e limpeza se leven a cabo con urxencia
Foz, 9 de xuño de 2025. O Partido Popular de Foz lamenta que, un ano máis, o municipio entre na tempada estival sen que se teñan realizado os traballos de desbroce necesarios nos paseos, accesos a praias, áreas recreativas e estradas no rural. Esta situación está a provocar malestar entre veciños e visitantes, que nestes días comezan a gozar da chegada do verán en Foz.
Dende o PP local xa se trasladou esta preocupación ao goberno municipal durante a última sesión plenaria, preguntando cando se ían iniciar os traballos de rozado e limpeza. Porén, as respostas do alcalde foron “totalmente fóra da realidade”, sen recoñecer o evidente estado de abandono que sofren moitas zonas do municipio.
“Non é de recibo que se lles esixa aos veciños, incluso baixo ameaza de sancións administrativas, que manteñan limpas as súas fincas, mentres o propio Concello non dá exemplo e é incapaz de manter os espazos públicos nas condicións axeitadas”, afirma o voceiro popular, Javier Castiñeira.
O PP de Foz solicita que se redobre o número de efectivos ou que se contrate persoal e medios suficientes para garantir que os traballos de desbroce e limpeza se leven a cabo con urxencia. A imaxe que están a levar os numerosos turistas que xa visitan Foz é “de abandono total”, con paseos cubertos de maleza e merendeiros inservibles pola falta de mantemento municipal.
Os populares critican tamén que o goberno local recorra ano tras ano ás mesmas desculpas, como a da chuvia primaveral, para xustificar a súa inacción. “As condicións meteorolóxicas non son unha sorpresa; o que fai falta é planificación e vontade de traballar polo ben común”, insiste Castiñeira.
Finalmente, o PP considera que esta situación é unha mostra máis da desorganización existente no Concello, agravada pola falta de orzamentos municipais a estas alturas do ano. “Levamos medio ano e seguimos sen coñecer os presupostos, o que repercute directamente na precariedade de servizos como o desbroce ou a falta de investimentos fundamentais para o bo funcionamento da administración local”, conclúe o voceiro do PP de Foz.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
