A actuación, recentemente adxudicada, permitirá solucionar os problemas detectados en 2024, garantindo un abastecemento seguro e de calidade
Cariño, 21 de xuño, 2025. O Concello de Cariño continúa dando pasos firmes para mellorar a calidade da auga e a seguridade do abastecemento no municipio coa próxima instalación dun filtro específico para a eliminación do níquel na Estación de Tratamento de Auga Potable (ETAP) de O Castro. Con esta actuación, recentemente adxudicada, espérase poñer solución aos problemas detectados no pasado 2024.
Nos últimos meses xa se levaron a cabo diversas melloras neste ámbito, entre elas a instalación de dispositivos de telecontrol nos depósitos de auga potable co obxectivo de detectar de forma máis rápida e eficaz calquera incidencia na subministración.
Estas actuacións responden os problemas rexistrados en 2024, cando se produciron ata tres episodios de superación do límite permitido de níquel, o que obrigou a declarar a auga non apta para o consumo nin para cociñar durante case tres meses. Trátase, por tanto, dun avance fundamental para protexer a saúde pública e previr situacións similares no futuro.
A ETAP de Castro, que abastece ás parroquias de Cariño e A Pedra, non contaba ata o de agora cun sistema específico de eliminación de níquel, o que deixaba o abastecemento exposto ás variacións deste contaminante, algo que se solucionará con este novo filtro que se instalará nas próximas semanas.
A actuación súmase a outras xa realizadas o pasado ano, no marco do convenio asinado en 2024 coa Xunta de Galicia, que permitiu a renovación dos catro filtros existentes na ETAP de O Castro. Con esta nova intervención, adxudicada á empresa Enxeñería Mediterránea da auga S.L. por un importe de 19.691,54 euros, o Concello reforza o seu compromiso cos veciños e veciñas para evitar que se repitan situacións similares.
Esta medida forma parte do compromiso firme do Concello de Cariño de garantir unha subministración de auga segura, continuo e de calidade para toda a poboación. Coa incorporación deste novo filtro e a mellora dos sistemas de control, refórzanse as capacidades de resposta #ante posibles contaminacións, algo que foi unha das prioridades do executivo liderado por Ana María López desde a súa chegada ao goberno municipal.
“Desde el primer momento, tuvimos claro que la seguridad del agua debía ser una prioridad absoluta”, sinala a alcaldesa Ana María López. Na mesma liña, a rexedora afirma que “queremos que la ciudadanía confíe plenamente en el agua que llega a sus casas, y estas actuaciones son un paso fundamental para lograrlo”.
“Agora abren as súas ás e voan sabendo que o colexio sempre será a súa casa. Todo o profesorado lles desexa moita sorte para a vida”, comentou a directora do Sagrado Corazón, Begoña Sanjurjo.
Esta medida afecta ao tramo comprendido entre a antiga Conserveira e o Pósito, co obxectivo de garantir a seguridade viaria e facilitar a circulación, xa que durante este período o vial quedará habilitado en dobre sentido de circulación. A Policía Local agradece a colaboración cidadá e lembra que, para máis información, poden contactar no teléfono 982 562 922.
Alí tivo lugar unha entrega de diplomas. Ao acto asistiu o alcalde, Dani Vega. Desde o Concello agradecen a participación no programa Preto de ti e tamén o traballo dos técnicos municipais, que fan posible esta iniciativa.
A actividade, organizada en colaboración co Concello de Cervo, permitiu ao alumnado achegarse por primeira vez ao mergullo deportivo, combinando formación teórica e práctica nun entorno seguro e controlado. A segunda parte da xornada, prevista na Praia da Caosa, tivo que ser adiada debido ao mal estado do mar, pero buscarase unha nova data para completar esta experiencia única en contacto co medio natural. A alcaldesa Dolores García Caramés destacou "a importancia de ofrecer oportunidades educativas que promovan hábitos saudables e poñan en valor o noso entorno".
Os usuarios da piscina poderán acceder á instalación por Lavandeiras, pola Escola de Idiomas. Para chegar, poden tomar a estrada LU-862 e baixar pola rúa Lavandeiras, onde se atopa a gasolineira de Celeiro.
Tanto o Folgueiro League coma o Folgueiro League Baby desputaranse os días 12 e 13 de xullo.
A sala quedou pequena na tarde do mércores 18 de xuño para acoller a presentación do libro "Escultor y proyectista José Otero Gorrita. Entre Santiago de Compostela y Viveiro", obra de José Luis Otero González. O acto reuniu un numeroso público interesado en coñecer a figura e traxectoria deste artista fundamental na historia da escultura galega. A presentación contou coa intervención do autor, que afondou na vida e obra do seu avó José Otero Gorrita, así como coa participación de Felipe-Senén López Gómez, Francisco Javier Martínez Prieto e José Veiga Golpe quen destacaron o valor documental e artístico do traballo presentado. O ambiente foi de grande interese nun acto que serviu tamén para reivindicar a memoria do historiador de Viveiro Carlos Adrán Goás.
