Burela, 16 de xullo de 2025. A CIG-Saúde da Mariña vén de presentar unha denuncia perante a Inspección de Traballo de Lugo por unha posible infracción en materia de seguridade e saúde, e en cumprimento da Lei de Prevención de Riscos Laborais, polas altas temperaturas no Servizo de Cociña do Hospital da Mariña, e unha segunda denuncia pola demora na entrega dunha padiola regulable para unha traballadora do Centro de Saúde de San Cibrao
ALTAS TEMPERATURAS E HUMIDADE NO SERVIZO DE COCIÑA DO HOSPITAL DA MARIÑA
O sindicato denuncia que o Servizo de Cociña está a rexistrar principalmente na época estival unha temperatura media de entre 29 e 31 graos centígrados, “o que incumpre a normativa legal vixente sobre as máximas autorizadas non só nun centro asistencial senón en calquera lugar de traballo”.
Segundo expón a central, a excesiva calor, que supera o máximo estimado para o risco de tensión térmica (a partir de 27º C), está a afectar a traballadoras e traballadores. O sindicato sostén que existe un risco potencial de desmaio por estas altas temperaturas.
A Dirección do Hospital da Mariña é coñecedora polas canles oficiais e legais con escrito con data 8 de xullo de 2025 e número de rexistro 1.297 sen obter resposta”.
DOUS ANOS AGARDANDO POR UNHA PADIOLA REGULABLE EN ALTURA, DESPOIS DUN INFORME DE SAÚDE LABORAL
Dende CIG Saúde A Mariña denuncian que unha traballadora do Centro de Saúde de San Cibrao leva case dous anos agardando por unha padiola regulable en altura, despois dun informe de Saúde Laboral que recomendaba o seu uso.
Ata o momento, a profesional non recibiu o equipo, situación que, segundo a central sindical, está a poñer en risco a súa saúde.
A central sindical levou esta cuestión ao Comité de Seguridade e Saúde Laboral en varias ocasións, sen que a Xerencia da Área Sanitaria dera unha resposta positiva.
A pesar de que en meses recentes se entregaron padiolas regulables en diferentes centros, a Xerencia non priorizou o seu achegamento ás traballadoras con informes médicos que o requiren, o que evidencia unha mala planificación por parte do ente sanitario
CIG Saúde A Mariña sinala que unha parte considerable dos accidentes laborais con baixa médica entre o persoal sanitario están vinculados a sobreesforzos físicos, principalmente lesións dorso-lumbares e trastornos músculo-esqueléticos. Estas lesións relacionan a utilización de equipos pouco ergonómicos, como as padiolas non regulables en altura, que dificultan a mobilización e atención correcta dos pacientes. Pola contra, as padiolas regulables son fundamentais para mellorar as posturas laborais e minimizar o risco de lesións.
Desde a central advertiron que a Xerencia está a incumprir a Lei de Prevención de Riscos Laborais e a ignorar os informes de Saúde Laboral, situación que pon en perigo a integridade da traballadora afectada.
Ante a ausencia de respostas, argumenta a CIG, o sindicato decidiu, como último recurso, presentar estas dúas denuncia na Inspección para que proceda a realizar os requirimentos por incumprimento da normativa e á adopción das medidas legais oportunas.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
