Alfoz, 16 de xullo, 2025. Como cada ano, o terceiro sábado de xullo e a súa véspera, Alfoz recrea a historia e a lenda do Mariscal Pedro Pardo de Cela no seu Mercado Medieval, que este ano celebra a súa vixésimo quinta edición. Os arredores da Torre Fortaleza do Castrodouro locen xa preparados para esta viaxe ao século XV que, coma sempre, é obra do esforzo conxunto do Concello de Alfoz, o Grupo Teatral Raiolas e un exército de veciños que dende o ano 1999 fan posible unha cita xa fixa no calendario festivo da Mariña Lucense.
Os actos comezarán na tarde-noite do venres, coa recreación da chegada do Mariscal Pardo de Cela ao seu castelo do Castrodouro, seguida dun concerto de música medieval a cargo do coro “Mestre Pacheco” de Mondoñedo, o acendido da “Cerna da Historia” e a celebración de vodas medievais.
O sábado, día grande do Mercado, arrincará coa ruta de sendeirismo “Da ponte ao Castrodouro”, da man de Guía tu Día (inscricións no teléfono 654996857). No percorrido, de dificultade baixa, será posible percorrer algúns dos recunchos naturais de maior beleza do curso do Río Ouro.
O pregón deste XXV Mercado Medieval de Alfoz correrá a cargo das persoas fundadoras da festa. Este será o punto de partida para toda unha xornada con actividades para os maiores e os máis pequenos como: postos de gastronomía e artesanía, teatro de títeres, recreación de tabernas tradicionais, xogos populares, voo de aves rapaces, torneo ecuestre, exhibicións de malabares, danzas medievais, música e moito máis. Todo isto co obxectivo de desfrutar de dous dos valores máis grandes do Castrodouro e o seu Alfoz: o seu entorno e a súa lenda.
Como xa é habitual, a xornada rematará coa tradicional cea medieval, así como coa representación da obra teatral “As sete almas do Mariscal”, unha queimada e o concerto de “Upsala Medieval”.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
Por unha banda, o artista uruguaio Daniel Drexler fai parada en Mondoñedo dentro da súa xira europea. Este venres desde as 21:30h. É a primeira vez que a Horta de Galiana recibe a un artista internacional. E xa o sábado, o mindoniense Jorge Santamarina fará as delicias dos asistentes cunha noite de tangos desde as 22h.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
A exposición poderá visitarse ata o 30 de Setembro.
A Deputada de Economía, Recadación, Facenda e Especial de Contas, Carmela López, participou na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
O mércores, 16 de xullo ás 20:30h, na Casa da Cultura charla sobre os microbios nos alimentos co profesor Antonio Juárez. Xa o venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais de todo esto, Os do 21 organizan o seu festival 'Lembranzas' o sábado ás 19:30h no seu local social.
