Ribadeo, 1 de setembro de 2025. Ribadeo segue mellorando as pista da concentración dentro do Plan Avanza Rural coa colaboración da Xunta de Galicia. En breve darán comezo traballos en Remourelle e Vilaframil, que suporán un investimento de 100.000 euros.
O alcalde, Dani Vega, dixo que “seguimos xestionando orzamento e mobilizando todos os recursos necesarios para mellorar as pistas de concentración, as pistas de terra que temos en cada parroquia. Son pistas nas que levaba moitos anos sen haber unha limpeza tanto de desbroce como limpeza profunda cos traballos dunha motoniveladora, retirando esa terra cunha pala. Evidentemente, creo que iso é o que hai que facer para que as pistas estean ben conservadas. Todo de golpe non se pode facer. O que vamos facendo é ano tras ano investindo e mellorando”.
O rexedor lembrou que “o ano pasado actuabamos nas parroquias da costa, actuamos en cada una delas. Agora xa hai que facer esa limpeza, ese desbroce, pero xa é conservación. E agora onde vamos actuar? En todas as parroquias do interior. Xa o estamos facendo en Ove e así iremos paulatinamente por cada unha delas e actuando para mellorar todas as pistas de concentración. Vamos actuar tamén nas pistas onde houbo incendios xa hai 2 anos e evidentemente o que se fixo foi esperar a que saíse toda a madeira, aínda queda moita por sacar e actuar no remate, non vamos facelo agora para que se volva destrozar, pero si que se vai actuar en todas as zonas onde houbo incendios”.
Vega subliñou que “este traballo é posible grazas á colaboración da Xunta de Galicia, sería imposible que o Concello con recursos propios o fixera, é imposible, necesitamos a colaboración doutras administracións. Por iso, nosoutros dicimos que nos dedicamos a xestionar e practicamente todos os recursos que nosoutros estamos investindo son da Xunta de Galicia, e neste caso agradecemos moito a colaboración coa achega de motoniveladora, pala e camión”.
O alcalde contou que “o Plan Avanza Rural continúa nas pistas de terra e tamén en breve xa vamos actuar tanto en Remourelle como en Vilaframil en dúas pistas, que son 100.000 euros, que tamén vai aportar a Xunta de Galicia en pistas de aglomerado para unha maior comunicación de todos os veciños. Estamos diante dun Plan Avanza Rural baixo a planificación, é dicir, seguir investindo e mellorando as estradas, esas vías de comunicación fundamentais e tamén actuando en vías secundarias como poden ser as estradas de terra, estas que na súa maioría utilizan os gandeiros, os agricultores e tamén todo tecido forestal, porque nas pistas do monte hai que investir. É verdade que os maderistas teñen que actuar cando destrozan, pero nós temos que facer inversión para ter esas vías de comunicación no monte preparadas para a saca de madeira”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
