Esta medida facilitaría aos 63 pósitos galegos, que representan a máis de 10.100 profesionais, acceder a financiamento europeo no marco dos seus respectivos plans de produción e comercialización
Santiago de Compostela, 2 de setembro de 2025. A Xunta insta ao Ministerio de Agricultura, Pesca e Alimentación a lexislación estatal, que obvia ás confrarías de pescadores como organizacións representativas do sector, e acadar o seu recoñecemento a nivel comunitario como entidades análogas ás Organizacións de Produtores Pesqueiros (OPP). Así o expuxo a directora xeral de Desenvolvemento Pesqueiro, Ángeles V. Suárez, na Comisión 8ª de Pesca e Marisqueo do Parlamento de Galicia, onde reiterou o apoio do Goberno galego aos pósitos xa que xogan un papel esencial na desenvolvemento da actividade pesqueira galega e na xestión colectiva e sostible dos recursos mariños.
A directora xeral recordou que esta medida é unha vella demanda do sector xa que isto permitiría a estas entidades, 63 a nivel galego e que representan a máis de 10.100 profesionais, acceder a maior financiamento do Fondo Europeo Marítimo, de Pesca, e de Acuicultura (Fempa). Nesta liña, explicou que as confrarías galegas son entidades sen parangón en Europa, das que persiste un gran descoñecemento nas institución europeas que apostan polas OPP como eixo do desenvolvemento dos obxectivos da Política Pesqueira Común (PPC). Así os fondos comunitarios recollen recursos específicos para o desenvolvemento dos seus respectivos plans de produción e comercialización.
Ángeles V. Suárez recalcou que os pósitos abordan as mesmas funcións que as OPP e compren os requisitos establecidos polo regulamento 1379/2013 da Organización Común de Mercados (OMC). Por iso manifestou o apoio da demanda do sector para que sexa a propia OMC a que recoñeza directamente esta equivalencia de status. Neste ámbito, criticou o incumprimento por parte do Goberno central, acadado en marzo do 2024, de constituír un grupo de traballo para a abordar a situación das confrarías na Organización Común de Mercado e o seu recoñecemento como OPP. Tamén denunciou que o Real Decreto 664/2023 que regula as diversas modalidades de asociacionismo no sector pesqueiro e marisqueiro continúa obviando ás confrarías a pesar de ser as organizacións máis representativas do sector.
Apoio da Xunta
En contraposición, a director xeral puxo en valor o marco normativo autonómico, co Decreto 8/2014 polo que se regulan as confrarías de pescadores e as súas federacións ou a Lei 9/1993 de confrarías de pescadores de Galicia que recolle a súa actividade no ámbito da organización e comercialización de produtos pesqueiros. Un recoñecemento legal que se suma ás liñas de axuda específicas para o desenvolvemento de accións no ámbito da formación, a modernización das instalacións e equipamentos portuarios, a valorización dos produtos do mar ou na mellora das condicións de traballo dos profesionais.
Ángeles V. Suárez resaltou que estas entidades constitúen un dos piares nos que se sustenta o modelo de cogobernanza que preside a xestión pesqueira na comunidade, cumprindo unha función estratéxica para o futuro desta actividade extractiva. Por iso, avogou por reforzar a identidade e valor social das confrarías así como garantir a súa participación na toma de decisión a nivel comunitario dado o seu impacto na sustentabilidade e desenvolvemento das comunidades costeiras.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
