A Vicepresidencia da Deputación impulsou a posta en marcha desta rapa da man de Equus Norte
A Pontenova, 19 de xullo de 2025. O deputado de Rural Daniel García achegouse esta mañá á Rapa das Bestas de Neipín, organizada pola Asociación Equus Norte coa colaboración da Vicepresidencia da Deputación de Lugo. Unha vintena de aloitadoras e aloitadores traballaron no rapado e no marcado dos animais no curro da Cruz do Couso, onde se reuniron centos de persoas para seguir este ritual vinculado a cría de cabalos no monte.
Daniel García destacou “a boa acollida desta rapa que apoiamos desde o inicio, investindo na infraestrutura necesaria para organizala” e destacou “a presenza de mocidade loitando cos cabalos no curro como mostra da vitalidade desta tradición que reflicte unha forma de vida e de relación cos animais e co territorio que forma parte do noso patrimonio”
A rapa máis nova da Mariña consolídase con esta segunda edición, que serviu tamén de plataforma para a promoción de produtos de razas autóctonas coa degustación de hamburguesas de carne de poldro de Pura Raza Galega na hostelería da vila na noite de venres, o marco do programa Un gusto de rural, un rural degusto.
Ademais de contribuír aos gastos derivados da propia xornada, a área de Rural, que financiou a instalación do curro para a primeira edición, impulsou este ano novas melloras como a compra dun peche móbil para reter os animais antes do inicio da rapa ou a instalación dun fito informativo a carón curro.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
Este xoves gozaron dunha xornada chea de diversión, con xogos grupais nos que aprenderon a colaborar e compartir, e actividades de manualidades onde deron renda solta á súa imaxinación. Un espazo para medrar, xogar e facer novas amizades.
A secretaria xeral Técnica, participou este mércores na Misa Solemne na honra da Virxe do Carme na Praza Conde de Fontao.
Está organizado en colaboración coa Federación Galega de Natación (FEGAN). Unha semana para aprender, mellorar e gozar deste deporte tan espectacular. Este sábado, de 10:00 a 12:00, celébrarase a exhibición final na piscina municipal, aberta ao público para ver o traballo realizado durante o campus.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
