Cervo, 16 de setembro de 2025. Os centros de primaria CEIP de Cervo e CEIP Península da Paz reuníronse onte para celebrar un acto conxunto de homenaxe á mestra de Relixión María José Coldeira Ponte, que se xubila despois dunha longa e comprometida traxectoria profesional compartida entre ambos colexios.
María José Coldeira iniciou a súa carreira docente en 1985 no colexio Rivera Casás, onde comezou cubrindo unha baixa de curta duración. En 1991 retomou a docencia, compartindo entre o propio Rivera Casás e o Galdín (actual CEIP Península da Paz). Posteriormente, impartiu clases no CEIP Nº1 de Foz e en San Cosme, ata regresar de novo ao Península da Paz, centro que compartiu co CEIP de Cervo ata a súa xubilación.
Durante todos estes anos, María José deixou unha fonda pegada tanto no alumnado como nos equipos docentes, transmitindo valores, coñecementos e dedicación cun estilo próximo e entrañable.
No acto de despedida, o profesorado de ambos centros quixeron recoñecer a súa entrega, agradecéndolle a súa labor educativa e desexándolle unha nova etapa chea de felicidade.
“Foi unha mestra que, ademais de ensinar, soubo acompañar e apoiar, creando sempre un bo clima de respecto e proximidade”, destacaron compañeiros e compañeiras.
Con este encontro conxunto, os dous centros realzaron a súa figura e puxeron o broche de ouro a unha carreira docente marcada pola vocación e polo compromiso.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
