A Mariña, 23 de xullo, 2025. Ecoloxistas en Acción solicitou a Portos do Estado e á Consellería de Medio Ambiente que recurran, como órganos competentes para establecer recursos administrativos ante os actos das Autoridades Portuarias locais, a prórroga da explotación da illa Pancha en Ribadeo
Ecoloxistas en Acción, xunto coa asociación veciñal Polo noso Faro, denuncian que a Autoridade Portuaria de Ferrol San Cibrao tomou o acordo de prorrogar a concesión do Faro e anexos da Illa Pancha de Ribadeo para a súa explotación privada como Apartamentos Turísticos e Cafetería, sen a pertinente avaliacion de impacto ambiental, a pesar de ser un espazo da Rede Natura 2000.
A organización ecoloxista lembra que a Oficina do Defensor do Pobo pronunciouse repetidamente sobre diferentes irregularidades na tramitación dos proxectos de Apartamentos Turísticos e Cafetería na Illa Pancha de Ribadeo, especialmente sobre a carencia do Estudo de Impacto Ambiental para ambos proxectos de acordo coa normativa vixente en relación con espazos incluídos na Rede Natura 2000, como é este caso.
Os órganos competentes para establecer recursos administrativos ante os actos das autoridades portuarias locais son a comunidade autónoma onde se sitúe dita autoridade portuaria local e Portos do Estado. Por iso, Ecoloxistas en Acción solicitou a Portos do Estado e á Consellería de Medio Ambiente que recurran a prórroga da explotación da illa Pancha decretada pola Autoridade Portuaria de Ferrol San Cibrao e esixan a realización do Estudo de Impacto Ambiental de acordo coa normativa vixente a nivel da Unión Europea, do Estado Español e da Xunta de Galicia.
“Agardamos que tanto Portos do Estado como a Xunta de Galicia non desatendan a nosa solicitude, xa que, segundo lle notificou o Defensor do Pobo á asociación Polo noso Faro, despois de diferentes interpretacións, ambos organismos, recoñeceron e aceptaron as súas suxestións respecto a obriga dun estudio de impacto ambiental”, conclúe o voceiro de Ecoloxistas en Acción.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
