O Presidente da Deputación e a Alcaldesa de Burela participaron no evento gastronómico no que a institución provincial ofreceu demostracións en directo de recoñecidos chefs da provincia e serviu 300 petiscos para abrir boca cara a celebración da feira, que terá lugar os días 2 e 3 de agosto
Lugo, 24 de xullo de 2025. A Praza de San Marcos acolleu este venres unha showcooking organizada pola Deputación de Lugo para promocionar o bonito de Burela, unha antesala á 39ª edición da Feira do Bonito que se celebrará os vindeiros días 2 e 3 de agosto. O evento gastronómico reuniu a centos de persoas que puideron degustar, en varias elaboracións, este produto estrela da man de recoñecidos chefs da provincia.
O Presidente da Deputación de Lugo, José Tomé Roca, xunto a Alcaldesa de Burela e Deputada de Economía, Recadación, Facenda e Especial de Contas, Carmela López Moreno, participaron no evento gastronómico, no que tamén estiveron presentes a presidenta da asociación Ledicia, Rocío Rivera Seara, organizadores da feira, así como representantes da Fundación Expomar, dos Armadores e da Confraría de Pescadores de Burela. Na cita, José Tomé destacou o compromiso da Deputación coa promoción dos produtos locais, subliñando “que apoiar o Bonito de Burela é apostar polo futuro da Mariña, dos seus portos, das súas familias e dunha economía que depende do mar pero tamén do valor que nós, como sociedade, lle damos aos seus recursos”.
Pola súa banda, a rexedora burelá resaltou este tipo de eventos para potenciar a nosa gastronomía e o sector pesqueiro, que forman parte esencial da identidade e da economía local. “Como sabedes, o Bonito, para nós, non é só un produto: é tradición, é parte da historia de Burela, é o noso presente e tamén o noso futuro”. Agredeceu a Alcadesa o apoio da Deputación para promocionar este emblema que representa o sentir dunha vila mariñeira e convidou a achegarse a Burela e á Mariña ese día á Feira do Bonito, pero tamén ao longo de todo o verán “para saborear este manxar que nos identifica, que fala de nós e da nosa maneira de vivir o mar”.
Durante a xornada,tres chefs destacados da Asociación Provincial de Cociñeiros de Lugo ofreceron unha demostración culinaria en directo, elaborando pratos innovadores que tiveron como protagonista o bonito de Burela. Os asistentes puideron degustar 300 petiscos que combinaron tradición, innovación e produto de proximidade.
Entre as creacións destacaron o Rock and Rollde bonito picante con pak choi e sésamo de Alejandro Méndez, do restaurante Cachivaches; o bonito curado con aguachile de pementos de Mougán, presentado por Pablo Vila, do Hotel OCA; e o bonito en escabeche con crema de aguacate, kikos e menta fresca, elaborado por Juan Rubiños, do restaurante Farabutto.
“Este evento é unha antesala da Feira do Bonito de Burela, unha cita gastronómica e cultural de referencia que cada ano reúne a milleiros de persoas e que tanto veciños como visitantes non se poden perder”, afirmou o Presidente, quen animou a todas as persoas a achegarse a vindeira fin de semana a Burela “para desfrutar desta celebración que pon en valor o mellor do noso mar”.
Así mesmo, José Tomé quixo recoñecer o talento dos profesionais da gastronomía lucense que, segundo apuntou, “está nun gran momento grazas a unha nova xeración que aposta polos produtos de proximidade, pola innovación e pola defensa da nosa cultura culinaria. É un sector que crea emprego, xera riqueza e proxecta a imaxe de Lugo con orgullo e calidade”.
Rematou dicindo que dende a Deputación “reafirmamos o noso apoio a iniciativas que poñen en valor os produtos locais e fortalecen os vínculos entre os sectores produtivos, a hostalaría e as institucións, promovendo un modelo de desenvolvemento sostible e respectuoso coa identidade local”, concluíu.
Programa
O programa da XXXIX Feira do Bonito arrancará o sábado, día 2 de agosto, ás 10:30 horas co III Encontro de Alfombrismo e Arte Efémero Galego e ás 13:00 horas terá lugar a recepción de autoridades e o izado de bandeira azul no barco museo Reina del Carmen. Acto seguido, procederase á lectura do pregón, a cargo do burelés Juan Carlos Enríquez Casas, e despois farase a degustación, que se prolongará ao longo da tarde a base de bonito cocido, bonito asado á grella e empanada. A xornada rematará ás 20:30 horas cos concertos de S.S.R Ledicia, Marcarme, Enol e sesión DJ Pepu.
O domingo, 3 de agosto, ao longo da mañá haberá actividades infantís e, ás 13:30horas, abriranse as portas da carpa para a degustación, que neste caso, estará protagonizada por petiscos de enfariñada de Trabada con bonito e ración de marmitako.
Paralelamente á celebración da XXXIX Feira do Bonito haberá actividades deportivas complementarias, como o VII Torneo de Fútbol de Veteranos Feira do Bonito, no Campo de Fútbol A Marosa; e o Torneo de Baloncesto 3×3 que acollerá a Praza da Mariña.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
