“Trátase de dúas directivas mozas e comprometidas, que chegan con ilusión e co obxectivo de consolidar estes clubes como referentes do noso tecido deportivo e social”, destaca o voceiro popular, Javier Castiñeira
Foz, 23 de xullo de 2025. O Partido Popular de Foz quere dar publicamente a benvida ás novas directivas do CD Foz e do CB Celtas. “Trátase de dúas directivas mozas e comprometidas, que chegan con ilusión e co obxectivo de consolidar estes clubes como referentes do noso tecido deportivo e social”, destaca o voceiro popular, Javier Castiñeira.
Ambas entidades representan dous piares fundamentais da vida comunitaria de Foz, non só polo seu labor deportivo, senón tamén polo seu papel integrador e educativo. Por iso, dende o PP consideran imprescindible que o Concello de Foz lles brinde o apoio institucional e económico que merecen.
Nese sentido, o Partido Popular denuncia a preocupante falta de compromiso do goberno socialista, encabezado polo señor Cajoto, que leva anos sen abonar as subvencións nominativas correspondentes a estes clubes. “Estamos a falar de cantidades moi importantes que conforman boa parte dos orzamentos destas entidades, e que aínda non foron pagadas a pesar das promesas do alcalde”, sinala o voceiro do PP de Foz, Javier Castiñeira.
En marzo deste ano, o Grupo Popular interesouse polo estado destas axudas, consciente do proceso de transición e cambio de directivas. Os populares entenden que para que as novas directivas poidan comezar o seu traballo con garantías, necesitan contar cun marco de seguridade económica.
“Non se pode esixir planificación nin proxectos de futuro se non se cumpre cos compromisos básicos. Estes clubes non poden funcionar con incerteza ano tras anos”, engade Castiñeira.
Desde o PP de Foz esixen ao alcalde que aboe de inmediato as contías pendentes e deixe de escudarse en desculpas. “As persoas que asumen a responsabilidade de lideras estas entidades fano por amor ao deporte e ao pobo. O mínimo que merecen é respecto institucional e apoio real por parte do Concello”, conclúe o voceiro popular.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
